ۇلىبريتانيادا The Flying Scotsman پويىزى قايتا جولعا شىقتى

استانا. 27 اقپان. ۇلىبريتانيانىڭ بەري قالاسىنداعى تەمىرجول ستانساسىندا وسىدان ءبىر عاسىر بۇرىن جاسالعان The Flying Scotsman پويىزى قايتا جولعا شىقتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. نيۋ-يورك قالاسىنداعى ۇلتتىق تەمىر جول مۇراجايى 2004 جىلى تاريحي پويىزدى 3 ميلليون اقش دوللارىنا ساتىپ الىپ, ەكى جىلدان سوڭ قايتا جوندەۋگە كىرىسكەن. وسى ۋاقىت ىشىندە پويىزدى بولشەكتەپ, قۇرىپ شىقتى. مامانداردىڭ ايتۋىنشا, بۇل جۇمىسقا 4,2 ميلليون فۋنت ستەرلينگ جۇمسالعان. Bolton Street ستانساسىنداعى سالتاناتتى راسىمگە قالا حالقى جينالىپ, پويىزدى قوشەمەتپەن شىعارىپ سالدى. ونىڭ قالىپتى جىلدامدىعى ساعاتىنا 100 شاقىرىمدى قۇرايدى. الداعى ۋاقىتتا National Railway Museum مۇراجايىنا تيەسىلى پويىز ۇلىبريتانيادا ويىن-ساۋىق ەكسكۋرسياسى رەتىندە ىسكە اسادى. The Flying Scotsman العاش رەت 19 عاسىردا جاسالعان. بۇل پويىز لوندون مەن ەدينبۋرگ قالالارىنىڭ اراسىندا توقتاۋسىز قاتىناپ تۇرعان. ايان ءابدۋالي. دەرەك: تاسس. سۋرەت: nymr.co.uk.