ەكونوميكانىڭ ىلگەرىلەۋى بيزنەستى دامىتۋعا تاۋەلدى

وڭىردە پارتيالاردىڭ سايلاۋالدى ۇگىت-ناسيحات جۇمىستارى قىزا ءتۇستى. كەشە قازاقستان پارلامەنتى ءماجىلىسى دەپۋتاتتىعىنان ۇمىتكەر, «اق جول» پارتياسىنىڭ توراعاسى ازات پەرۋاشەۆ باستاعان توپ «قا­زاق­ستان تەمىر جولى» ۇلتتىق كومپانيا­سى» اق فيليالى – اقتوبە تەمىرجول ءبو­لىم­شەسىندە پارتيانىڭ بەلسەندى مۇشە­لەرىمەن جانە سايلاۋشىلارمەن كەزدەس­تى. كەزدەسۋگە اقتوبەلىكتەرمەن بىرگە, كور­شىلەس ماڭعىستاۋ, اتىراۋ, قىزىلوردا وبلىستارىنان دا وكىلدەر قاتىستى. العاشقى بولىپ ءسوز العان ءماجىلىس دە­پۋتاتتىعىنان ۇمىتكەر ازات پەرۋاشەۆ ۇگىت-ناسيحات جۇمىستارىن دابىرالاتپاي, بايسالدى جۇرگىزىپ جاتقاندارىن ءتىل­گە تيەك ەتە كەلە, پارتيانىڭ ساي­لاۋال­دى باعدارلاماسىنداعى باسىم باعىتتارعا توقتالدى. – تاۋەلسىزدىكتى نىعايتۋ مەن ۇلتتىق قۇندىلىقتاردى قورعاۋعا باسا ماڭىز بە­رىلەدى. شىنايى نارىقتىق ەكونومي­كا­نى قۇرۋ جانە جەكە بيزنەستى دامىتۋ دا كۇن تارتىبىندەگى وزەكتى ماسە­لە رە­تىندە نازاردا ۇستالادى. كاسىپكەر­لىكتى تۇنشىقتىراتىن جەمقور­لىقپەن كۇرەستى كۇشەيتۋگە باعىت ۇستا­لادى. سونداي-اق, كولەڭكەلى ەكونوميكا ارقىلى جينالىپ, ەلىمىزدەن سىرت جەر­گە شىعارىلعان ميل­لياردتاعان قارجى­نى قايتارۋ دا پار­تيا قولعا الاتىن شارۋا­لاردىڭ باسىندا تۇر. وسىنداي ماقسات­تارعا تەك دەموكراتيالىق ۇستانىم­دار­دى دامى­تۋ, مىقتى پارلامەنت پەن بي­لىك ور­گاندارىنىڭ قوعام الدىن­­داعى جاۋاپ­كەرشىلىگىن ارتتىرا وتى­رىپ, ەسەپتىلىكتى قالىپتاستىرۋ ناتيجە­سىندە عانا جەتۋگە بولادى. مىنە, وسى قا­دام­دار­دىڭ استارىندا قىرۋار جۇمىس­تار جاساۋعا تۋرا كەلەدى. ءبىزدىڭ پار­تيا­لىق ۇستانىمىمىز دا, ناقتى جۇ­مى­سىمىزدىڭ باسىم با­عىت­تارى دا وسىلار­دان ارنا تارتادى. ءبىز بۇل كەزدەسۋدە قوعامدى دامىتۋعا باي­لا­نىستى ۇسىنىس­تاردى جيناقتاۋدى دا قاپەر­دە ۇستاۋ­دامىز. ول ءبىزدىڭ الداعى ۋا­قىت­­تاعى جۇمىس­تارى­مىزعا باعدار بە­رە­­رى ءسوزسىز, دەگەن ا.پەرۋاشەۆ پار­تيا­نىڭ جۇمىس جوس­پار­لارىمەن تانىستىرا كەتتى. كەزدەسۋدە ءسوز سويلەگەن قازبەك يسا الاشتىڭ ارىسى احمەت بايتۇرسىنوۆتىڭ «ساۋاتتى بولۋ ءۇشىن وقۋىمىز كەرەك, باي بولۋىمىز ءۇشىن كاسىپپەن اينا­لى­­سۋىمىز كەرەك, ال مىقتى بولۋ ءۇشىن اۋىز­بىرشىلىگىمىز مىقتى بولۋ كەرەك» دەگەن قاناتتى سوزدەرىن جادىدا جاڭعىرتىپ, «اق جول» تۋى استىندا بىرىگۋگە شاقىردى. پارتيانىڭ ەلدىڭ ەرتەڭى جارقىن بولۋى جولىنداعى ۇستانىمدارىنىڭ ۇلتتىق مۇددەنى كوزدەيتىنىن اتاپ ءوتتى. وبلىستا «اق جول» پارتياسىنىڭ 10 مىڭنان استام مۇشەسى بار. سولاردىڭ اراسىنان وبلىستىق ماسليحاتقا – 3, قالا­لىق ماسليحاتقا – 5 جانە اۋداندىق ءماس­ليحاتتارعا 7 ۇمىتكەر سايلاۋعا ءتۇسۋ­دە. اقجولدىقتار وسىلاي كۇش بىرىكتىرە قيمىلداۋعا ءازىر ەكەندىكتەرىن بۇل جولى دا كورسەتتى. ساتىبالدى ءساۋىرباي, «ەگەمەن قازاقستان». اقتوبە وبلىسى.