ۇمىتكەر سايلاۋشىلارمەن كەزدەستى

جالپىۇلتتىق سوتسيال-دەموكراتيالىق پارتيا اتىنان پارلامەنت ءماجىلىسى دەپۋتاتتىعىنان ءۇمىت­كەر, پارتيانىڭ وبلىستىق فيليالىنىڭ توراعاسى مي­رامبەك كامالوۆ ءبىر توپ اقتوبەلىكتەرمەن كەزدەستى. كەزدەسۋ بارىسىندا ول پارتيانىڭ سايلاۋالدى باعدارلاماسىنا جان-جاقتى توقتالىپ, ونىڭ باسىم باعىتتارىن تارقاتا اڭگىمەلەدى. ونىڭ ايتۋىنشا, جسدپ اتالمىش سايلاۋ دوداسىنا پارتيالاستارىمەن قاتار, تانىمال ازاماتتىق قوعام وكىل­دەرىن جۇمىلدىرا وتىرىپ ءتۇسىپ وتىر. تىزىمدە سونداي ۇمىتكەرلەردىڭ بولۋىن ۇلكەن قولداۋدىڭ نىشانى رەتىندە باعا­لادى. ول پارتيالىق تىزىمگە جسدپ اتىنان 23 ۇمىتكەر ەنگىزىلگەنىن, ولاردىڭ ورتاشا جاسى 54,7 ەكەنىن, تۇگەلدەي جوعارى ءبىلىمدى ەكەنىن العا تارتتى. ساي­لاۋالدى باعدارلامادا ەلىمىزدەگى بىرقاتار كوكەيكەستى ماسەلەلەردى شەشۋگە ۇيىتقى بولۋ كوزدەلەتىنىن جەتكىزدى. ماجىلىسكە وتكەن جاعدايدا پار­تيا­نىڭ ازىق-ت ۇلىك پەن ءدارى-دارمەككە باعا­­نىڭ وسۋىنە, كوممۋنالدىق قىزمەت تاريفتەرىنىڭ كوتەرىلۋىنە جول بەرىل­مەۋىنە, ىشكى رەزەرۆتەردى ىزدەستىرۋ ءنا­تيجەسىندە ەڭبەكاقى مەن زەينەت­اقىنى كوتەرۋگە, مەملەكەتتىك قىزمەت­تى وڭتايلاندىرۋعا ىقپال ەتۋگە ۇم­تىلاتىنىن اتاپ ءوتتى. «قازىر سايلاۋال­دى ۇگىت-ناسيحات جۇمىستارى قارقىن الا باستادى. ءبىز پارتيانىڭ سايلاۋالدى باعدارلامالارىن تۇسىندىرەتىن گازەت, پلاكات جانە پاراقشالار تۇرىندەگى ۇگىت-ناسيحات ماتەريالدارىن تاراتۋدى باستادىق. سونداي-اق, شالعاي اۋ­دان­دارداعى سايلاۋشىلارمەن كەزدەسۋلەر وتكىزىلۋدە. جاقىندا عانا ويىل, تەمىر اۋداندارىندا بولدىق, جسدپ-نىڭ سايلاۋالدى باعدارلاماسىن ءتۇسىندىرىپ قايتتىق. مۇنداي جۇمىستاردى بارلىق اۋدانداردا وتكىزۋ كوزدەلۋدە. كۇنى كەشە عانا قالاداعى ءبىر توپ ارداگەرمەن جۇزدەسىپ, الداعى سايلاۋعا بايلانىس­تى كەلەلى كەڭەس قۇرىلدى. ەڭ باستى باسقوسۋ ۇستىمىزدەگى جىلى ناۋرىز ايىنىڭ ورتاسىنا تامان جسدپ تورالقا مۇشەلەرىنىڭ قاتىسۋى- مەن وتەتىن شارا», – دەدى م.كا­ما­لوۆ. جال­پىۇلتتىق سوتسيال-دەموكرا­تيا­لىق پار­تيا اتىنان پارلامەنت ءماجى­لى­سى دە­پۋ­تاتتىعىنان ۇمىتكەر, پارتيا­نىڭ وب­لىستىق فيليالىنىڭ توراعاسى م.كاما­لوۆ ءسوزىنىڭ سوڭىندا پارتيانىڭ سايلاۋ­الدى باعدارلاماسىندا حالىقارالىق سوتسيال-دەموكراتيا يدەياسىنىڭ وزىق تۇستارىن سۇرىپتاپ پايدالانا وتىرىپ, قوعام يگىلىگى قاعيداتتارىنا نەگىزدەلگەن بىرقاتار شارالار كەشەنى ۇسىنىلاتىنىن كولدەنەڭ تارتتى. كەزدەسۋدە ءسوز العان قالا تۇرعىنى ا.جاي­­­ساڭباەۆ, «م-تەحچسەرۆيس» جشس-ءنىڭ وپە­­راتورى بەكبولات قالاۋباي ۇلى جال­­پىۇلتتىق سوتسيال-دەموكراتيالىق پار­­تيانىڭ سايلاۋالدى باعدارلاماسىنا باي­لانىستى وزىندىك وي-تۇجىرىمدارىن ورتاعا سالدى. كەزدەسۋدە بۇدان باسقا دا ماسەلەلەر توڭىرەگىندە اڭگىمە بولدى. ساتىبالدى ءساۋىرباي, «ەگەمەن قازاقستان». اقتوبە وبلىسى.