«نۇر وتان» پارتياسىنىڭ سايلاۋالدى شتابى قۇرىلدى

استانا: 30 قاڭتار. «نۇر وتان» پارتياسىنىڭ رەسپۋبليكالىق سايلاۋالدى شتابى قۇرىلدى. بۇل تۋرالى «نۇر وتان» پارتياسىنىڭ ءباسپاسوز قىزمەتىنىڭ اقپارى بويىندا egemen.kz ءتىلشىسى حابارلادى. بۇگىن پارتيانىڭ ورتالىق اپپاراتىندا وتكەن بريفينگتە پارتيا توراعاسىنىڭ ءبىرىنشى ورىنباسارى اسقار مىرزاحمەتوۆ ءماجىلىس سايلاۋىنا رەسپۋبليكالىق سايلاۋالدى شتابتىڭ قۇرىلعانىن, ونىڭ  قۇرامىنا قوعام قايراتكەرلەرى مەن پارتيانىڭ ساياسي كەڭەسىنىڭ مۇشەلەرى كىرگەنىن ايتتى. سوىنمەن بىرگە ول پارتيانىڭ كەزەكتەن تىس ءXVىI سەزىندە پارلامەنت ءماجىلىسىنىڭ دەپۋتاتتارى سايلاۋىنا ارنالعان پارتيالىق ءتىزىمىنىڭ بەكىتىلىپ, جاڭا سايلاۋالدى باعدارلامانىڭ قابىلدانعانىن اتاپ ءوتتى. اسقار مىرزاحمەتوۆ شتاب جۇمىسىنىڭ باستى مىندەتى – «نۇر وتان» پارتياسىنىڭ پارلامەنتتىك جانە ءماسليحات سايلاۋىندا حالىقتىڭ باسىم بولىگىنىڭ داۋىسىن جيناۋى, دەدى. پارتيانىڭ ءباسپاسوز قىزمەتىنىڭ حابارلاۋىنشا, قازىرگى تاڭدا پارتيادا الەۋمەتتىك توپتارعا جاتاتىن تۇرعىندارمەن ناقتى ءىس-قيمىل جوسپارى ازىرلەنىپ, رەسپۋبليكالىق جەلىلىك كەستە قابىلدانىپ, مەديالىق جوسپار بەكىتىلدى. «ەلىمىزدىڭ بارلىق وڭىرلەرىندە سەنىمدى وكىلدەر مەن پارتيا بەلسەندىلەرىنىڭ جۇمىسىن ۇيلەستىرەتىن ءدال وسىنداي 16 ايماقتىق جانە 208 اۋماقتىق شتاب قۇرىلادى. ولاردىڭ قۇرامىندا 3,5 مىڭنان اسا ادام بولادى. بارلىق شتابتاردىڭ جۇمىسىنا 29 مىڭنان استام سەنىمدى وكىل, سونداي-اق 27 مىڭنان استام پارتيا بەلسەندىلەرى قاتىسادى», دەپ حابارلادى ءباسپاسوز قىزمەتى.. رەسپۋبليكالىق سايلاۋالدى شتابتى پارتيا توراعاسى نۇرسۇلتان نازارباەۆتىڭ تاپسىرماسىمەن اسقار مىرزاحمەتوۆ باسقارادى. داستان كەنجالين. دەرەك: nurotan.kz سۋرەت: personalakorda.kz