• 19 مامىر, 2015

جاس جاسامپازدار جارىسى

333 رەت

كورسەتىلدى

1 مين

وقۋ ءۇشىن

Egemen Qazaqstan

مەملەكەت باسشىسى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىن جۇزەگە اسىرۋ جولىندا جاس ۇرپاقتى قالىپتاستىرۋ جانە ەكسپو-2017 كورمەسى اياسىندا «كاتەV» حالىقارالىق قوعامدىق قورى ءبىراز يگىلىكتى ىستەر اتقارىپ كەلەدى. سونىڭ ءبىرى, ءبىلىم جانە عىلىم مينيسترلىگىنىڭ قولداۋىمەن استاناداعى «نۇر وردا» مەكتەپ-ليتسەيىندە ءىى رەسپۋبليكالىق «جاس جاسامپازدار جوباسى» تاياۋدا مارەگە جەتىپ, جۇزدەن جۇيرىكتەر توپ جاردى.

بۇل جاس جاسامپازدار جارىسى بەس باعىت, ياعني بالامالى ەنەرگيا كوزدەرى, الەۋمەتتىك قوعامدىق ماسەلەلەر, جاراتىلىستانۋ, گۋمانيتارلىق پاندەر, روبوتتەحنيكا بويىنشا ءوتىپ, وعان 100-دەن استام جوبا كەلىپ تۇسكەن. قازىلار القاسى ول جوبالاردى جان-جاقتى سارالاي كەلىپ, جوعارى سىنىپ وقۋشىلارى مەن كوللەدج ستۋدەنتتەرىن, ولاردىڭ جەتەكشىلەرىن ءى, ءىى, ءىىى دارەجەلى ديپلومدارمەن ماراپاتتاپ, گران-پري يەگەرلەرىنە 125 مىڭ, 100 مىڭ, 50 مىڭ تەڭگە كولەمىندە سىيلىق تاپسىردى. ماسەلەن, الەۋمەتتىك-قوعامدىق, بالامالى ەنەرگيا كوزدەرىنەن عىلىمي جۇمىس قورعاعانداردىڭ ارقايسىسى 125 مىڭنان, ال جاراتىلىستانۋ, گۋمانيتارلىق, روبوتتەحنيكا بويىنشا وزىپ شىققاندار 100 مىڭ كولەمىندە قارجىعا قول جەتكىزدى. وسىنداي يگىلىكتى شارا جاستاردىڭ ىنتا-ىقىلاسىن وياتاتىنىن, مۇنداي ءۇردىس وزگە ءبىلىم ورىندارىندا دا جالعاسىن تابۋ كەرەكتىگىن, شارانىڭ جابىلۋى ءساتىندە ءبىلىم جانە عىلىم ۆيتسە-ءمينيسترى ە.يمانعاليەۆ اتاپ ايتتى. سۇلەيمەن مامەت, «ەگەمەن قازاقستان».