قايىرىمدىلىق ءىس-شاراسى اياسىندا سەرىكتەستىك جۇمىسشىلارى قوستاناي اۋدانىنا قاراستى وكتيابر, التىندالا, جامبىل ەلدى مەكەندەرىنىڭ تۇرعىندارىمەن كەزدەسىپ, كوپبالالى انالارعا, زەينەتكەرلەرگە, اۋىلعا جاڭا قونىس اۋدارىپ جاتقان جاس وتباسىلارعا جاشىكتەپ بالاپان تاراتتى.
يگى جوباعا «اۋىل» پارتياسى قولداۋ كورسەتىپ, جوعارى وقۋ ورىندارىنىڭ وقىتۋشىلارى مەن ستۋدەنتتەرى ۆولونتەر رەتىندە اتسالىسقانىن دا ايتا كەتۋ كەرەك.
ۇيىمداستىرۋشىلاردىڭ سوزىنشە, مۇنداي قايىرىمدىلىق ءىس-شارالارى اۋىل تۇرعىندارىنىڭ تۇرمىسىن جاقسارتۋعا سەپتىگىن تيگىزىپ, كوپشىلىكتى ەڭبەككە ىنتالاندىرادى.
ء«بىز ءبىر ۇيگە 30–40 بالاپاننان قالدىرىپ كەتىپ جاتىرمىز. بۇل, اسىرەسە جاس وتباسىلاردىڭ جەكە شارۋاشىلىقپەن اينالىسىپ, قوسىمشا تابىس تابۋىنا جول اشادى. اۋىل حالقىنا وسىنداي ناقتى كومەك اسا ماڭىزدى. ءبىزدىڭ ىستەپ جاتقانىمىز بىرەۋلەرگە بولماشى عانا كومەك بولىپ كورىنۋى مۇمكىن. بىراق بالاپان باعا بىلگەن ادامنىڭ ۇيىنە بەرەكە كىرەدى, ەڭبەگى ەسەلەپ قايتادى. ونىڭ ۇستىنە, قازىر جۇمىرتقا دا قىمبات. سوندىقتان ءبىز مۇمكىندىگىنشە كوپبالالى وتباسىلارعا كومەكتەسۋگە تىرىسىپ جاتىرمىز. بالالار جازداي ءۇيدىڭ جۇمىرتقاسىن جەسىن, تاۋىق باقسىن, ەڭبەككە ۇيرەنسىن دەگەن ويدامىز», دەيدى كاسىپورىن باسشىسى دينارا مولداباەۆا.
ىزگى نيەتتەن تۋعان قايىرىمدىلىق ءىس-شاراسى اياسىندا بالاپان العان جۇزشاقتى وتباسى ۇيىمداستىرۋشىلارعا شىنايى العىستارىن ءبىلدىردى. كاسىپورىن اتالعان اكتسيانى جىل سايىن وتكىزىپ تۇرماق.
قوستاناي وبلىسى
