فوتو: Getty images
پاريجدە وتەتىن «رولان گارروس» - 2026 ۇلكەن دۋلىعا ءتۋرنيرىنىڭ جەرەبەسى تارتىلدى. ونىڭ قورىتىندىسى بويىنشا ءتۋرنيردىڭ باستاپقى ويىندارىندا ءتورت تەننيسشىمىز ونەر كورسەتەدى. ولار ەلەنا رىباكينا, الەكساندر بۋبليك, يۋليا پۋتينتسەۆا جانە الەكساندر شەۆچەنكو.
قازاقستاننىڭ ءبىرىنشى راكەتكاسى ەلەنا رىباكينا «رولان گارروستاعى» العاشقى اينالىمدا سلوۆەنيالىق ۆەرونيكا ەرياۆەتسپەن باق سىنايدى.
يۋليا پۋتينتسەۆا ءبىرىنشى كەزدەسۋىن اۆستراليالىق تاليا گيبسونمەن وتكىزەدى.
قازاقستان ەرلەر قۇراماسىنىڭ كوشباسشىسى الەكساندر بۋبليك پاريجدە تاجىريبەلى تەننيسشى نەمىس يان-لەننارد شترۋفقا قارسى وينايتىن بولادى.
الەكساندر شەۆچەنكو بولسا ءتۋرنيردىڭ باسىندا امەريكالىق الەكس ميكەلسەنمەن سىنعا تۇسەدى.
«رولان گارروس» - 2026 ءتۋرنيرى ءوز تاريحىنداعى ەڭ قىمبات تۋرنير بولعالى تۇر. جارىستىڭ جالپى جۇلدە قورى 72,8 ملن دوللاردى قۇرايدى. ءبىزدىڭ ۆاليۋتاعا شاققاندا بۇل 34 ملرد تەڭگەدەن اسادى. وتكەن ماۋسىممەن سالىستىرعاندا بۇل سوما شامامەن 9,5 ميلليون دوللارعا وسكەن.
ايتا كەتەيىك, تەننيس ءتۋرنيرى فرانتسيا استاناسىندا 18 مامىردان 7 ماۋسىم ارالىعىندا وتەدى. تەننيسشىلەر توپىراقتى كورتتا كىمنىڭ مىقتى ەكەنىن انىقتايدى.
