فوتو: باس پروكۋراتۋرا
ساپار بارىسىندا وتاندىق قاداعالاۋ ورگانىنىڭ باسشىسى مەن ماكاونىڭ اكىمشىلىك جانە ادىلەت ماسەلەلەرى جونىندەگى حاتشىسى ۆونگ سيو چاك جاسىرىنىپ جۇرگەن قىلمىسكەرلەردى ۇستاپ بەرۋ; قىلمىستىق ىستەر بويىنشا ءوزارا قۇقىقتىق كومەك جانە سوتتالعان ادامداردى بەرۋ تۋرالى مەملەكەتارالىق ءۇش كەلىسىمگە قول قويدى.
ەكستراديتسيا تۋرالى كەلىسىم ەكى تاراپ اۋماعىندا قىلمىس جاساپ, ءبىر ەلدەن ەكىنشى ەلگە جاسىرىنىپ جۇرگەن ادامداردى بەرۋ تەتىگىن قۇقىقتىق تۇرعىدا رەتتەۋگە باعىتتالعان.
قىلمىستىق ىستەر بويىنشا ءوزارا قۇقىقتىق كومەك تۋرالى شارت قۇقىق قورعاۋ ورگاندارىنىڭ تەرگەۋ ارەكەتتەرىن جۇرگىزۋىنە, كۇدىكتىلەر مەن ايىپتالۋشىلاردىڭ كىناسىن دالەلدەۋگە, سونداي-اق قىلمىستىق جولمەن الىنعان م ۇلىككە تىيىم سالۋ جانە ونى تاركىلەۋ شارالارىن جۇزەگە اسىرۋعا قۇقىقتىق نەگىز قالىپتاستىرادى.
سوتتالعان ادامداردى بەرۋ تۋرالى كەلىسىم شەتەلدە قىلمىس جاساعانى ءۇشىن باس بوستاندىعىنان ايىرىلعان ازاماتتارعا جازاسىن ءوز ەلىندە وتەۋگە مۇمكىندىك بەرەدى.
ساپار اياسىندا بەرىك اسىلوۆ ماكاونىڭ باس پروكۋرورى تونگ حيو فونگپەن كەزدەسۋ وتكىزىپ, حالىقارالىق قاۋىپسىزدىك, ترانسۇلتتىق قىلمىسقا قارسى كۇرەس, ينۆەستيتسيالاردى قورعاۋ جانە قىلمىستىق اكتيۆتەردى ىزدەستىرۋ مەن قايتارۋ ماسەلەلەرىن تالقىلادى.
كەزدەسۋ قورىتىندىسى بويىنشا تاراپتار ىنتىماقتاستىقتى ودان ءارى نىعايتۋعا, جەدەل اقپارات الماسۋعا جانە ءوزارا قۇقىقتىق ارىپتەستىكتى كەڭەيتۋگە ۋاعدالاستى.
پروكۋراتۋرا قىزمەتكەرىنىڭ بەينەسىن پايدالانعان ديپفەيك 240 مىڭنان استام قارالىم جينادى
ايتا كەتەيىك, ماكاومەن قۇقىقتىق ىنتىماقتاستىقتى ورناتۋ قازاقستان باس پروكۋراتۋراسى مەن قىتاي حالىق رەسپۋبليكاسىنداعى قازاقستان ەلشىلىگىنىڭ بىرلەسكەن جۇمىسى ناتيجەسىندە جۇزەگە استى.
