فوتو: Tengrinews.kz/ نۋرلان الجاباەۆ
قالاداعى قارقارالى تاسجولى بويىندا, سپورت ۋنيۆەرسيتەتى ماڭىنداعى قۇرىلىس الاڭىندا ارنايى تەحنيكا, قۇرىلىس ماتەريالدارى جانە بولاشاق LRT جەلىسىنىڭ تىرەكتەرى ورناتىلىپ جاتقانى بايقالعان. سونىمەن قاتار اۋماقتا تامىرىمەن قوپارىلعان اعاشتار دا كوزگە تۇسكەن.
LRT جوباسىنىڭ وپەراتورى City Transportation Systems بۇل جۇمىستار ەكىنشى كەزەڭ قۇرىلىسىنا دايىندىق اياسىندا جۇرگىزىلىپ جاتقانىن مالىمدەدى. كومپانيانىڭ مالىمەتىنشە, ماماندار بولاشاق ستانتسيالار مەن ينفراقۇرىلىم ورنالاساتىن اۋماقتاعى جاسىل جەلەكتەرگە تەكسەرۋ جۇرگىزگەن.
ناتيجەسىندە 2246 اعاش پەن بۇتانى باسقا جەرگە كوشىرۋ جوسپارلانعان. ولاردى جاقىن ماڭداعى اۋماقتارعا وتىرعىزۋ كوزدەلىپ وتىر. سونىمەن قاتار ب ۇلىنگەن ءاربىر اعاشتىڭ ورنىنا 10 جاڭا كوشەت ەگۋ جوسپارلانعان. كومپانيا وكىلدەرى قۇرىلىس كەزىندە ساقتاۋعا بولاتىن اعاشتار تولىق قورعالاتىنىن دا اتاپ ءوتتى.
CTS مالىمەتىنشە, بارلىق جۇمىس ەكولوگيالىق تالاپتار مەن قازاقستان زاڭناماسىنا سايكەس جۇرگىزىلەدى.
ەسكە سالساق, جاقىندا استانادا LRT جۇيەسى ىسكە قوسىلعان بولاتىن. جاڭا جەلىنىڭ ۇزىندىعى 22,4 شاقىرىمدى قۇرايدى. قازىرگى تاڭدا جەلىدە 15 پويىز قاتىنايدى, ولاردىڭ قوزعالىسى جۇرگىزۋشىسىز رەجيمدە جۇزەگە اسىرىلادى. العاشقى كۇندەرى جاڭا كولىك ءتۇرىن پايدالانعان جولاۋشىلار سانى 100 مىڭ ادامنان اسقان.
