اكتەردىڭ ايتۋىنشا, ونىڭ ونەر سالاسىنا كەلۋىنە تۋىسى كومەكتەسكەن. ول سول كەزدە «Balapan» تەلەارناسىنا قاتىستى جوبادا پروديۋسەر بولىپ جۇمىس ىستەگەن. الايدا نۇرعالي كەيىن ءدال سول ادامنىڭ تاراپىنان قىسىم مەن زورلىق كورگەنىن مالىمدەدى.
جاس اكتەردىڭ سوزىنشە, وقيعا ءتۇسىرىلىم اياقتالعاننان كەيىن جۇمىس كابينەتىندە بولعان. ول سول ساتتە قاتتى قورقىپ قالعانىن جانە ەشكىمگە ايتۋعا باتپاعانىن جەتكىزدى.
«مەن ول كەزدە كىشكەنتاي بالا بولدىم. قورىققانىم سونشالىق, نە ىستەرىمدى دە بىلمەدىم. ول «ەگەر بىرەۋگە ايتساڭ, ەندى كينو مەن سەريالدارعا تۇسە المايسىڭ» دەپ قورقىتتى. وسىلايشا بۇل ءبىزدىڭ قۇپيامىز بولىپ قالدى», دەدى ول.
زورلىق-زومبىلىقتان زارداپ شەككەن بالالارعا ارنالعان كومەك كابينەتتەرى اشىلادى
اتالعان جايتقا بايلانىستى تەلەارنا رەسمي مالىمدەمە جاسادى. ايتۋلارىنشا, سول ۋاقىت ارالىعىندا تەلەارنادا ەر ادام پروديۋسەر بولىپ قىزمەت اتقارماعان.
«2010 جىلعى 27 قىركۇيەكتە اشىلعان «Balapan» تەلەارناسىنىڭ شتاتىندا ەر ادام «پروديۋسەر» قىزمەتىن اتقارماعان. كەيىن جەلى قولدانۋشىسى ءوز مالىمدەمەسىندە ايتىلعان جايتتاردىڭ «Balapan» تەلەارناسىندا ەمەس, كوممەرتسيالىق جوباعا قاتىستى بولعانىن ناقتىلاپ, جاڭا بەينەجازبا جاريالادى جانە ارنا ۇجىمىنان كەشىرىم سۇرادى», دەلىنگەن حابارلامادا.
استانادا 82 جاستاعى قاريا شوبەرەسىنە زورلىق-زومبىلىق كورسەتكەنى ءۇشىن 20 جىلعا سوتتالدى
ايتا كەتەيىك, نۇرعالي نۇعمان ەرمەك تۇرسىنوۆتىڭ «جات» فيلمىندە باستى كەيىپكەردىڭ جاستىق شاعىن سومداعان.
نۇربولات امانبەك
