كەزدەسۋدىڭ شىمىلدىعى مەكتەپ فويەسىندەگى وقۋشىلاردىڭ سالتاناتتى «شاشۋ» كۇيىن ورىنداۋمەن اشىلدى. ۇلتتىق كيىم كيگەن وقۋشىلار قوناقتى ەرەكشە ىلتيپاتپەن كۇتىپ الىپ, قازاقي قوناقجايلىقتىڭ ۇلگىسىن كورسەتتى. اكت زالىنا جينالعان قاۋىمنىڭ ىقىلاسى ەرەكشە بولدى. ءار وقۋشىنىڭ جۇزىنەن تولقىنىس سەزىمى بايقالدى. ءىس-شارانىڭ العى ءسوزىن مەكتەپ ديرەكتورى عازيزا جۇماشەۆا اشىپ بەرىپ كەلگەن قوناققا ۇجىم اتىنان ءوز ريزاشىلىعىن ءبىلدىرىپ, شىعارماشىلىق تابىس تىلەدى.
كەزدەسۋ تەك كونتسەرتتىك باعدارلامامەن شەكتەلمەي, ەركىن فورماتتاعى سۇحباتقا ۇلاستى. 2 «د» سىنىپ وقۋشىلارى «اشىق ميكروفون» ايدارىندا ساۋالدارىن قويىپ, ءانشىنىڭ بالالىق شاعى, مەكتەپتەگى قىزىقتارى مەن ونەر جولىنداعى العاشقى قادامدارى تۋرالى سۇراپ ءبىلدى.
«ونەر − ۇلكەن ەڭبەك پەن جاۋاپكەرشىلىكتى تالاپ ەتەدى. مەكتەپتە العان ءبىلىم − بولاشاقتىڭ ىرگەتاسى», دەپ اتاپ ءوتتى ومىرقۇل اينيازوۆ.
مەكتەپتىڭ جاس تالانتتارى دا قالىس قالمادى. ءانشىنىڭ رەپەرتۋارىنداعى حيت اندەردى وقۋشىلار حورمەن شىرقاعاندا, كەش قوناعى تاڭدانىسىن جاسىرا المادى. بۇل − جاس ۇرپاقتىڭ زاماناۋي قازاق ونەرىنە دەگەن قۇرمەتى مەن سۇيىسپەنشىلىگىنىڭ ايقىن كورىنىسى.
كەزدەسۋ سوڭىندا ءانشى مەكتەپكە ءوز لەبىزىن ءبىلدىرىپ, بەلسەندى وقۋشىلارعا قولتاڭبا بەردى. مۇنداي كەزدەسۋلەر بالالاردىڭ ونەرگە دەگەن قىزىعۋشىلىعىن ارتتىرىپ قانا قويماي, ولاردىڭ بويىنداعى پاتريوتتىق سەزىم مەن ماقساتقا دەگەن ۇمتىلىسىن وياتادى
اقمارال مۇراتقىزى,
الماتى قالاسى اۋەزوۆ اۋدانى
№ 141 ورتا مەكتەپتىڭ باستاۋىش سىنىپ مۇعالىمى
