اق جايىق باسىلىمىنىڭ جازۋىنشا, جاعداي 30 جاستاعى جابىرلەنۋشىنىڭ ءۇي اۋلاسىندا بولعان. جانجال بارىسىندا تراۆماتيكالىق قارۋدان وق اتىلىپ, شابۋىل جاساعاندار وقيعا ورنىنان قاشىپ كەتكەن.
كەيىن پوليتسيا قىزمەتكەرلەرى كۇدىكتىلەردى ۇستادى. ولار 2003 جانە 2004 جىلى تۋعان, يندەربور كەنتىنىڭ تۇرعىندارى – اعايىندىلار بولىپ شىققان.
جاراقات العان ەر ادام اۋداندىق اۋرۋحاناعا جەتكىزىلىپ, وتا جاسالعان. قازىرگى ۋاقىتتا ول حيرۋرگيا بولىمىندە دارىگەرلەردىڭ باقىلاۋىندا.
ۆاشينگتوندا تاعى دا اتىس بولدى: دونالد ترامپ شۇعىل تۇردە ەۆاكۋاتسيالاندى
اتىراۋ وبلىستىق پوليتسيا دەپارتامەنتىنىڭ مالىمەتىنشە, كۇدىكتىلەر بىردەن ۇستالىپ, ۋاقىتشا ۇستاۋ يزولياتورىنا قامالعان. قازىر تەرگەۋ امالدارى جۇرگىزىلىپ جاتىر.
