جاڭا جوبا اياسىندا بيوەتانولدى پايدالانۋ ارقىلى وندىرىلەتىن وتىن ونەركاسىپتىك دەڭگەيدە شىعارىلا باستادى. بۇل ەلىمىزدە العاش رەت اگرارلىق ءونىمنىڭ تولىق وندىرىستىك تسيكل ارقىلى وڭدەلىپ, دايىن موتور وتىنى رەتىندە نارىققا شىققان العاشقى ءونىم.
بيوەتانول سولتۇستىك قازاقستان وبلىسىندا ورنالاسقان BioOperations كاسىپورنىندا وندىرىلەدى. بۇل كەشەن بيدايدى تەرەڭ وڭدەۋگە ماماندانعان بىرەگەي ءوندىرىس ورنى بولىپ سانالادى. شيكىزات تەك ازىق-ت ۇلىك نەمەسە جەم رەتىندە ەمەس, جوعارى قوسىلعان قۇنى بار ءونىم رەتىندە قايتا وڭدەلەدى. كەيىن دايىن بيوەتانول BioPetrolCompany بازاسىندا بي-95 وتىنىنىڭ قۇرامىنا قوسىلىپ, نارىققا شىعارىلادى. بي-95 وتىنى قۇرامىندا 5-10 پايىز بيوەتانول بار بەنزين ءتۇرى سانالادى. ول جانارمايدىڭ نەگىزگى تەحنيكالىق سيپاتتامالارىن ساقتاي وتىرىپ, ەكولوگيالىق كورسەتكىشتەرىن جاقسارتۋعا مۇمكىندىك بەرەدى.
مامانداردىڭ ايتۋىنشا, بيوەتانول كومىرتەكتى بەيتاراپ كومپونەنت رەتىندە قاراستىرىلىپ, شىعارىندىلاردى ازايتۋعا ىقپال ەتەدى.
ء«بىز ءۇشىن بي-95-ءتى ىسكە قوسۋ − ەڭ الدىمەن ەكولوگيالىق قادام. ءبىز تەك جاڭا وتىن ءتۇرى تۋرالى ەمەس, قورشاعان ورتاعا تۇسەتىن ناقتى جۇكتەمەنى ازايتۋ تۋرالى ايتىپ وتىرمىز. بيوەتانولدى پايدالانۋ شىعارىندىلاردى ايتارلىقتاي قىسقارتۋعا مۇمكىندىك بەرەدى, بۇل اسىرەسە اۋا ساپاسى ماسەلەسى ءبىرىنشى كەزەكتە تۇرعان الماتى سياقتى قالالار ءۇشىن وتە ماڭىزدى», دەپ اتاپ ءوتتى جوبا جەتەكشىسى لاۋرا بەرگىباەۆا.
كومپانيا مالىمەتىنە سايكەس, جاڭا وتىندى پايدالانۋ ءۇشىن اۆتوكولىكتەردى قايتا جابدىقتاۋ قاجەت ەمەس. بي-95 ستاندارتتى بەنزين قوزعالتقىشتارىندا ەش وزگەرىسسىز قولدانىلا بەرەدى. سىناق ناتيجەلەرى ونىڭ قۋات پەن تيىمدىلىك كورسەتكىشتەرى ءداستۇرلى بەنزين دەڭگەيىندە ساقتالاتىنىن, ال كەي جاعدايلاردا شىعارىندىلاردىڭ ازاياتىنىن كورسەتكەن.
ايتا كەتەيىك, بيوەتانول قوسىلعان وتىن تۇرلەرى ەۋروپالىق وداق, اقش جانە جاپونيا سياقتى ەلدەردە ۇزاق جىلدان بەرى كەڭىنەن قولدانىلىپ كەلەدى. قازاقستان دا وسى باعىتتى كەزەڭ-كەزەڭىمەن دامىتىپ كەلەدى.
