زاڭ جوباسىنداعى جاڭالىقتاردىڭ ىشىندە كىرىستەردىڭ ءبىر بولىگىن اۋىلدىق وكرۋگتەر دەڭگەيىنە بەرۋ بار. بۇعان زاڭدى تۇلعالار مەن جەكە كاسىپكەرلەردىڭ م ۇلىك سالىعى, سونداي-اق تىركەلگەن جەرى بويىنشا قۇجات تاپسىرعانعا نەمەسە رۇقسات العانعا دەيىن تولەنەتىن ليتسەنزيالىق الىمدار جاتادى.
بۇدان بولەك, جەرگىلىكتى ماڭىزى بار ماسەلەلەردى شەشۋگە ازاماتتاردىڭ قاتىسۋىن كەڭەيتۋ, سونىڭ ىشىندە اۋماقتىق ءوزىن-ءوزى باسقارۋدى دامىتۋ شارالارى ۇسىنىلادى.
قازاقستان مەن وزبەكستان دەپۋتاتتارى بىرلەسكەن جوبالاردىڭ جۇزەگە اسۋىن تالقىلادى
جاڭا قۇجاتتا ءماسليحاتتار قىزمەتىنىڭ تيىمدىلىگىن ارتتىرۋعا ەرەكشە نازار اۋدارىلعان: دەپۋتاتتاردىڭ وكىلەتتىكتەرى, جاۋاپكەرشىلىك شارالارى مەن الەۋمەتتىك كەپىلدىكتەرى ناقتىلانادى. اتاپ ايتقاندا, ءماسليحات دەپۋتاتتارىنىڭ ءوز سايلاۋ وكرۋگتەرىنىڭ تۇرعىندارى الدىندا ءار جارتى جىل سايىن مىندەتتى تۇردە ەسەپ بەرۋىن ەنگىزۋ ۇسىنىلادى. ءماسليحات وتىرىستارى ونلاين رەجيمدە كورسەتىلىپ, دەپۋتاتتىق ساۋالدار كوپشىلىك الدىندا جاريالانادى.
زاڭ جوباسىندا ءماسليحات اپپاراتىنىڭ باسشىسىن قىزمەتكە تاعايىنداۋ جانە بوساتۋ ءتارتىبى انىقتالىپ, ونىڭ وكىلەتتىكتەرى بەكىتىلەدى. ءماسليحات توراعاسىن قايتا سايلاۋ مۇمكىندىگى ەكى مەرزىممەن شەكتەلەدى.
حالىقتىڭ سەنىمىن اقتاۋدان ارتىق ابىروي جوق: مەملەكەت باسشىسى ءماسليحات دەپۋتاتتارىنا نە دەدى؟
سونداي-اق زاڭ جوباسى اياسىندا اۋىل اكىمدەرىنىڭ فۋنكتسيونالدىق مىندەتتەرى قايتا قارالادى.
