سوڭعى جىلدارى ەلىمىزدە عىلىم سالاسى, اسىرەسە جاساندى ينتەللەكت باعىتى قارقىندى دامىپ كەلەدى. بۇل تەحنولوگيانى ءتۇرلى سالالاردا قولدانۋعا باعىتتالعان ناقتى جوبالار جۇزەگە اسىرىلىپ جاتىر.
عالىمنىڭ ايتۋىنشا, بۇل دامۋدىڭ نەگىزى – ماتەماتيكا.
«قازاقستاندا مىقتى ماتەماتيكالىق مەكتەپ قالىپتاسقان, ال سونىڭ نەگىزىندە كومپيۋتەرلىك عىلىمدار دا دامىپ كەلەدى. سونىمەن قاتار جاقىندا اشىلعان ءىرى داتا-ورتالىقتار جاساندى ينتەللەكت جوبالارىن جۇزەگە اسىرۋعا ۇلكەن مۇمكىندىك بەرىپ وتىر. سوندىقتان ەلىمىزدە جاساندى ينتەللەكت سالاسى جاقسى دەڭگەيدە دامىپ كەلەدى دەپ ايتۋعا تولىق نەگىز بار», دەيدى بەيبىت ابدىكەن.
جاس عالىم اسيا ەرمۋحامبەتوۆا «ەرەن ەڭبەگى ءۇشىن» مەدالىمەن ماراپاتتادى
عالىمنىڭ عىلىمداعى جالپى ەڭبەك ءوتىلى – 12 جىل. ول مەملەكەت باسشىسىنىڭ جارلىعىمەن «ەرەن ەڭبەگى ءۇشىن» مەدالىمەن ماراپاتتالدى.
ابدىكەننىڭ نەگىزگى زەرتتەۋ باعىتى – جاساندى ينتەللەكت جانە ونىڭ ءتۇرلى سالالاردا قولدانىلۋى. عىلىمي ديسسەرتاتسيالىق جۇمىسى قاتەرلى ىسىكتى بولجاۋدىڭ ماتەماتيكالىق مودەلىنە ارنالعان.
«نەگىزگى عىلىمي باعىتىم – جاساندى ينتەللەكت جانە ونىڭ ءتۇرلى سالالاردا قولدانىلۋى. عىلىمي ديسسەرتاتسيالىق جۇمىسىم قاتەرلى ىسىكتى بولجاۋدىڭ ماتەماتيكالىق مودەلىنە ارنالعان. قازىرگى ۋاقىتتا دا وسى باعىتتاعى زەرتتەۋلەردى جالعاستىرىپ كەلەمىز. سونىمەن قاتار نەيروعىلىم, ياعني ميدىڭ سيگنالدارىن تالداۋ جانە بولجاۋ بويىنشا جوبالارمەن دە اينالىسامىز», دەيدى ول.
پروفەسسور مەملەكەت تاراپىنان كورسەتىلىپ جاتقان قولداۋ مەن قۇرمەت عىلىم سالاسىنىڭ دامۋىنا وڭ اسەر ەتەتىنىن اتاپ ءوتتى.
«بۇگىنگى الىپ وتىرعان ماراپاتىمىز ءبىز ءۇشىن وتە ماڭىزدى. بۇل – عالىمداردىڭ ەڭبەگى ەلەنىپ, عىلىمنىڭ ەل ءۇشىن ماڭىزى جوعارى ەكەنىن كورسەتەدى. الداعى ۋاقىتتا دا ءىرى عىلىمي جوبالاردى جۇزەگە اسىرىپ, ولاردىڭ ناتيجەسى ەل يگىلىگىنە قىزمەت ەتەدى دەپ سەنەمىز», دەيدى ول.
بەيبىت ابدىكەننىڭ ايتۋىنشا, الداعى ۋاقىتتا دا جاڭا عىلىمي ناتيجەلەرگە قول جەتكىزىپ, جاساندى ينتەللەكت سالاسىنداعى زەرتتەۋلەردى ودان ءارى دامىتۋ جوسپارلانىپ وتىر.
ەسكە سالا كەتەيىك, بۇگىن پرەزيدەنت جيىندا جوعارى مەملەكەتتىك ماراپاتتار تىزىمىنە ء«ال-فارابي» وردەنى ەنگىزىلەتىنىن مالىمدەپ, قازاقستاندىق عالىمداردى ماراپاتتادى. ءال بىر توپ جاس عالىمعا پاتەر كىلتتەرىن تابىستادى.
