«ەموتسيالار وتە كۇشتى بولدى. ءبىزدى اقورداعا كىرگەن ساتتەن باستاپ جوعارى دەڭگەيدە قارسى الدى. بۇل – ۇلكەن جاۋاپكەرشىلىك. عالىم رەتىندە ەڭبەگىمىزدىڭ وسىلاي باعالانۋى – ۇلكەن سەنىم», دەدى ول.
ماراپاتتاۋ ءراسىمى عىلىم كۇنى قارساڭىندا ءوتتى. بۇل – عىلىمي قاۋىمداستىق ءۇشىن ەرەكشە ماڭىزدى كەزەڭ.
«كونستيتۋتسياعا ەنگىزىلگەن وزگەرىستەردەن كەيىن عىلىمنىڭ مارتەبەسى ارتتى. ەندى مەملەكەت عىلىمعا بۇرىنعىدان دا جوعارى دەڭگەيدە كوڭىل ءبولىپ وتىر», دەدى عالىم.
اسيا ەرمۇحامبەتوۆانىڭ عىلىمعا قىزىعۋشىلىعى مەكتەپ كەزىنەن باستالعان. حيميا ءپانى مۇعالىمى ونىڭ عىلىمي باعىتقا بەت بۇرۋىنا تۇرتكى بولعان.
ول كەيىن Satbayev University-دە ءبىلىم الىپ, «بولاشاق» باعدارلاماسىمەن University College London ۋنيۆەرسيتەتىندە PhD دارەجەسىن قورعاعان. بۇگىندە جاس عالىم قازاقستانداعى عىلىمي ورتاعا دا بەلسەندى ۇلەس قوسىپ كەلەدى.
ونىڭ باستاماسىمەن 400-دەن استام زەرتتەۋشىنى بىرىكتىرەتىن جاس عالىمدار اليانسى قۇرىلعان.
قازىرگى ۋاقىتتا عالىمدار توبى حيميا مەن جاساندى ينتەللەكتتى ۇشتاستىرا وتىرىپ, جاڭا ماتەريالداردى زەرتتەۋمەن اينالىسادى.
ء«بىز قازىر جاساندى ينتەللەكت ادىستەرىن قولدانا وتىرىپ, ماتەريالداردى زەرتتەۋ ۇستىندەمىز. بۇل تاجىريبەلەرگە كەتەتىن ۋاقىتتى قىسقارتۋعا جانە ەلەكترودتار ءۇشىن وڭتايلاندىرىلعان ميكروقۇرىلىمداردى الۋعا مۇمكىندىك بەرەدى. نەگىزگى ماقسات – تەحنولوگيالار كومەگىمەن عىلىمي جاڭالىقتاردى جىلدامداتۋ جانە ولاردىڭ دالدىگىن ارتتىرۋ», دەپ ءتۇسىندىردى اسيا ەرمۋحامبەتوۆا.
مۇنداي زەرتتەۋلەر عىلىم مەن ءوندىرىستىڭ دامۋىنا جاڭا سەرپىن بەرىپ, يننوۆاتسيالىق تەحنولوگيالاردى جەدەلدەتۋگە جول اشادى. مامانداردىڭ ايتۋىنشا, بۇل قازاقستان عىلىمىنىڭ جاڭا دەڭگەيگە كوتەرىلۋىنىڭ ايقىن كورىنىسى.
ەسكە سالا كەتەيىك, بۇگىن پرەزيدەنت جيىندا جوعارى مەملەكەتتىك ماراپاتتار تىزىمىنە ء«ال-فارابي» وردەنى ەنگىزىلەتىنىن مالىمدەپ, قازاقستاندىق عالىمداردى ماراپاتتادى. ءال بىر توپ جاس عالىمعا پاتەر كىلتتەرىن تابىستادى.
