فوتو: اقوردا
پرەزيدەنت ءوز سوزىندە ۇلى تۇلعالاردى ۇلىقتاۋ جۇمىسىنا تىڭ سەرپىن بەرۋ اسا ماڭىزدى ەكەنىن اتاپ ءوتتى.
ء«بىز زياتكەرلىك مۇرامىزدى ماقتان تۇتامىز. ءال-فارابي, احمەت ياساۋي, اباي سىندى عۇلامالارىمىز سوڭىنا سارقىلماس رۋحاني قازىنا قالدىردى. ولاردىڭ ەڭبەكتەرى الەمدىك اقىل-ويدىڭ التىن قورىنا كىرەدى. دانىشپان بابالارىمىزدىڭ باعا جەتپەس تۋىندىلارىن زامان تالابىنا ساي كادەگە جاراتا ءبىلۋىمىز كەرەك. ويشىلدارىمىز بەن عالىمدارىمىزدىڭ مۇراسىن تەرەڭ تانىپ, كەڭىنەن دارىپتەپ, بارىنشا دامىتقان ءجون. ۇلى تۇلعالاردى ۇلىقتاۋ جۇمىسىنا تىڭ سەرپىن بەرۋ اسا ماڭىزدى», دەدى مەملەكەت باسشىسى.
سونداي-اق قاسىم-جومارت توقاەۆ قوجا احمەت ياساۋي تۇلعاسىن ەلىمىزدىڭ ءاربىر ايماعىندا جانە شەتەلدە دە كەڭىنەن دارىپتەۋ قاجەت ەكەنىنە نازار اۋداردى.
ء«بارىمىز ايگىلى قوجا احمەت ءياساۋيدى بىرەگەي عۇلاما عالىم ءارى وركەنيەتتانۋشى رەتىندە ەلىمىزدىڭ ءاربىر ايماعىندا جانە شەتەلدە دە كەڭىنەن دارىپتەۋىمىز كەرەك. سونىمەن بىرگە ونىڭ قۇندىلىعى اسا زور باي مۇراسىن ءوزىمىز دە بارلىق تۇرعىدان جان-جاقتى زەرتتەۋىمىز قاجەت. وسى ونەگەلى ءداستۇر بيىل ءال-فارابي فورۋمىنا ۇلاسادى. مۇنداي تاعىلىمى مول, عىلىمي ءمانى زور باسقوسۋلار جىل سايىن وتكىزىلىپ تۇرادى», دەدى پرەزيدەنت.
پرەزيدەنت جيىندا جوعارى مەملەكەتتىك ماراپاتتار تىزىمىنە ء«ال-فارابي» وردەنى ەنگىزىلەتىنىن مالىمدەپ, قازاقستاندىق عالىمداردى ماراپاتتادى. ءال بىر توپ جاس عالىمعا پاتەر كىلتتەرىن تابىستادى.
