فوتو: gov.kz
كونگو-قىرىم گەمورراگيالىق قىزباسىنا قارسى ءالى كۇنگە دەيىن ۆاكتسينا جوق. اۋرۋدى جۇقتىرعان ادامنىڭ تەمپەراتۋراسى 39-40 گرادۋسقا دەيىن كوتەرىلىپ, بۇلشىقەت جانە باسى اۋىرادى. ماماندار وسى بەلگىلەردەن كەيىن قان كەتۋىن قاۋىپتى جاعداي ەكەنىن ءتۇسىندىرىپ وتىر.
اتالعان اۋرۋدان تەك پروفيلاكتيكا ارقىلى قورعانۋعا بولادى. اسىرەسە قاۋىپ ايماعىندا ءجيى بولاتىن اۋىل تۇرعىندارى, جانۋارلارمەن بايلانىستا بولاتىن ادامدار, مەديتسينا قىزمەتكەرلەرى مەن ەندەميالىق اۋداندارداعى تۇرعىندار ساقتىق شاراسىنا ءجىتى قاراۋى ءتيىس. ال تابيعاتقا شىققان ازاماتتار ءۇستى-باسىن ءجيى تەكسەرۋى كەرەك.
سونداي-اق جانۋارلاردىڭ جانىنا ارنايى قورعانىس كيىمىندە بارۋ مىندەتتى. مال مەن ءۇي-جايلاردى ارنايى قۇرىلعىلارمەن وڭدەۋ دە قاۋىپتى سەيىلتەدى. كەنە شاققاندا جاندىكتى ءوز بەتىنشە الىپ تاستاۋعا بولمايدى ءارى دەرەۋ دارىگەرگە حابارلاسۋ قاجەت.
