فوتو: ۆيدەودان الىنعان كادر
بۇل نىسان سوت شەشىمىمەن زاڭسىز دەپ تانىلعان.
بۇعان دەيىن مەنشىك يەسىنە قاتىستى جوسپاردان تىس تەكسەرۋ جۇرگىزىلىپ, ونىڭ قورىتىندىسى بويىنشا ءىس ماتەريالدارى الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنا جولدانعان. سونىڭ نەگىزىندە اكىمشىلىك شارالار قابىلدانعان.
سوت قاۋلىسىنا سايكەس, مەنشىك يەسى كافەگە زاڭسىز تۇرعىزىلعان ەكى قاباتتى قوسالقى قۇرىلىستى بۇزۋعا مىندەتتەلىپ, قايتادان اكىمشىلىك جاۋاپكەرشىلىككە تارتىلعان.
«الماتى قالالىق سوتىنىڭ 2026 جىلدىڭ 8 قاڭتارىنداعى قاۋلىسىمەن ءبىرىنشى ساتىداعى سوت شەشىمى وزگەرىسسىز قالدىرىلدى. نىساندى بۇزۋ جۇمىستارى قالالىق ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى», دەلىنگەن الماتى قالا قۇرىلىسىن باقىلاۋ باسقارماسى تاراتقان حابارلاماسىندا.
