فوتو: ۇلتتىق ۇلان
قازىرگى تاڭدا جۇيە ۇلتتىق ۇلاننىڭ 5573 اسكەري بولىمىندە ەنگىزىلىپ جاتىر. ول قولدانىستاعى بەينەكامەرالارعا قوسىلىپ, بەينەاعىندى تاۋلىك بويى ۇزدىكسىز تالدايدى. ياعني, كامەرالار تەك جازىپ قانا قويماي, جاساندى ينتەللەكت ارقىلى ناقتى ۋاقىت رەجيمىندە تالداۋ جاسايدى.
جۇيەنىڭ باستى ەرەكشەلىگى – ساربازداردىڭ ءجۇرىس-تۇرىسىن, مىنەز-قۇلقىن جانە ەموتسيالىق جاعدايىن سارالاۋ مۇمكىندىگى. بۇل تەك باقىلاۋ قۇرالى ەمەس, سونىمەن قاتار الدىن الۋ سيپاتىنداعى ينتەللەكتۋالدى شەشىم.
استانادا 13 ەلدەن كەلگەن ستۋدەنت جي تەحنولوگيالاردىڭ زاڭ جۇيەسىنە اسەرىن زەرتتەدى
جاساندى ينتەللەكت ساربازداردىڭ مىنەز-قۇلقىنداعى اۋىتقۋلاردى انىقتاپ, ەرەكشە نازار اۋدارۋدى قاجەت ەتەتىن جاعدايلاردى اۆتوماتتى تۇردە بەلگىلەيدى.
«ەگەر ساربازداردىڭ ارەكەتىنەن اگرەسسيا بايقالسا, جاساندى ينتەللەكتكە نەگىزدەلگەن جۇيە ءبولىم كومانديرلەرىنە, تاربيەشىلەر مەن پسيحولوگتارعا مەسسەندجەر ارقىلى سيگنال جىبەرەدى. بۇل دەر كەزىندە ارەكەت ەتۋگە مۇمكىندىك بەرەدى», دەدى ۇلتتىق ۇلاننىڭ رەسمي وكىلى الىبەك ابديلوۆ.
وسىلايشا, جۇيە ىقتيمال تاۋەكەلدەردى ەرتە كەزەڭدە انىقتاپ, جەدەل ارالاسۋعا مۇمكىندىك بەرەدى.
جيناقتالعان بەينەماتەريالدار ارنايى تسيفرلىق پلاتفورمادا ساقتالادى. بۇل وقيعالاردى كەيىن تالداۋعا, جاعدايدى زەرتتەۋگە جانە جۇيەنىڭ تيىمدىلىگىن باعالاۋعا مۇمكىندىك بەرەدى.
قازاقستاننىڭ 150-دەن استام ۇيىمنىڭ توپ-مەنەدجەرلەرى جي بويىنشا ءبىلىم الادى
ەگەر جاساندى ينتەللەكت جۇيەسى ءوز تيىمدىلىگىن دالەلدەسە, ونى باسقا اسكەري بولىمدەرگە دە ەنگىزۋ جوسپارلانىپ وتىر. بۇل – ۇلتتىق ۇلانداعى تسيفرلىق ترانسفورماتسيانىڭ ماڭىزدى كەزەڭدەرىنىڭ ءبىرى.
جاڭا تەحنولوگيالار اسكەري قىزمەتتەگى قاۋىپسىزدىكتى كۇشەيتىپ قانا قويماي, قىزمەت ساپاسىن ارتتىرۋعا جانە الدىن الۋ شارالارىن جەتىلدىرۋگە جول اشادى.
ولجاس بەكتەنوۆ «سەمەي ورمانىندا» جي نەگىزىندەگى ءورتتى ەرتە انىقتاۋ جۇيەسىن تەكسەردى
