فوتو: اشىق دەرەككوز
نەگىزگى باعىتتاردىڭ ءبىرى – اۆتوموبيل جاساۋ, جاساندى ينتەللەكت جانە تەحنولوگيالىق ەكوجۇيەنى دامىتۋ. بۇل تۋرالى ءماجىلىستىڭ جالپى وتىرىسىندا قارجى ءمينيسترى ءمادي تاكيەۆ مالىمدەدى.
«ۇكىمەت ونەركاسىپ, كولىك, ەنەرگەتيكا, تسيفرلاندىرۋ مەن تەرەڭ وڭدەۋ سالالارىن بەلسەندى دامىتۋ بويىنشا جۇمىستاردى جالعاستىرىپ جاتىر. اۆتوموبيل جاساۋ سالاسىندا, قوستاناي وبلىسىنداعى KIA زاۋىتى جانە الماتى قالاسىنداعى «استانا موتورس» مۋلتيبرەند زاۋىتى ىسكە قوسىلدى. جالپى, جىل سايىن شىعارىپ وتىرعان 160 مىڭ اۆتوموبيل, بۇل سالانى ەداۋىر ۇلعايتۋعا مۇمكىندىك بەردى», دەدى ءمادي تاكيەۆ.
اگرارلىق سەكتوردى مەملەكەتتىك قولداۋ كولەمى 1,1 ترلن تەڭگەگە جەتتى
تسيفرلاندىرۋ جانە جاساندى ينتەللەكت سالاسىندا Alem.AI حالىقارالىق جاساندى ينتەللەكت ورتالىعى اشىلدى. Alem.AI تۇجىرىمداماسى شەڭبەرىندە جاساندى ينتەللەكت سالاسىندا مىڭداعان ماماندار دايارلاۋ, جىل سايىن جۇزدەگەن ستارتاپتار مەن ونداعان زەرتتەۋ جوبالارىن قولداۋ جوسپارلانىپ وتىر.
«20 جوعارى وقۋ ورنى بازاسىندا جاساندى ينتەللەكت بويىنشا ماماندار دايارلاۋ باستالسا, «بولاشاق» باعدارلاماسى بويىنشا جەكە كۆوتا ەنگىزىلدى. Astana Hub – تەحنولوگيالىق كومپانيالار مەن ستارتاپتارعا ارنالعان الاڭ رەتىندە دامۋىن جالعاستىرىپ جاتىر. وندا 2 200-دەن استام IT-كومپانيا, ونىڭ ىشىندە 500-دەن استام شەتەلدىك كومپانيالار تىركەلگەن», دەدى قارجى ءمينيسترى.
وتكەن جىلى ەلىمىزدە ءىجو ءوسىمى 6,5%-دى قۇرادى
