فوتو: وقۋ-اعارتۋ مينيسترلىگى
جاڭا قۇجات مەملەكەت باسشىسى قاسىم-جومارت توقاەۆ 2025 جىلعى 30 جەلتوقساندا قول قويعان «قۇقىق بۇزۋشىلىقتىڭ الدىن الۋ تۋرالى» زاڭدى ىسكە اسىرۋ ماقساتىندا 2026 جىلعى 30 ناۋرىزدا قابىلدانعان.
وتكەن جىلدىڭ كورسەتكىشتەرى بۇل وزگەرىستىڭ وزەكتىلىگىن ايقىن كورسەتتى. 2025 جىلى رەسپۋبليكا بويىنشا 4,1 مىڭعا جۋىق كوميسسيا وتىرىسى ءوتىپ, بۇل 2024 جىلمەن سالىستىرعاندا 3,7%-عا ارتقان. قارالعان ىستەر سانى 26,7%-عا كوبەيگەن, ال ومىرلىك قيىن جاعدايداعى وتباسىلارعا قاتىستى ىستەردىڭ ۇلەسى 17,1%-عا ازايعان. قازىرگى تاڭدا ەل بويىنشا 274 كوميسسيا جۇمىس ىستەيدى.
كامەلەتكە تولماعانداردى الەۋمەتتىك جەلىدەن شەكتەۋ كەرەك - دەپۋتات
جاڭا ەرەجەلەردىڭ باستى ماقساتى – مەملەكەتتىك ورگاندار مەن ۇيىمدار اراسىنداعى ءوزارا ءىس-قيمىلدى كۇشەيتۋ, سونداي-اق بالالاردىڭ قۇقىقتارى مەن زاڭدى مۇددەلەرىن قورعاۋ تيىمدىلىگىن ارتتىرۋ. قۇجاتتا رەسپۋبليكالىق دەڭگەيدەن باستاپ اۋداندىق جانە اۋىلدىق دەڭگەيگە دەيىنگى كوميسسيالاردى قالىپتاستىرۋ ءتارتىبى ناقتى ايقىندالعان. ولاردىڭ قۇرامىنا ءبىلىم بەرۋ, دەنساۋلىق ساقتاۋ, ىشكى ىستەر, الەۋمەتتىك قورعاۋ سالالارىنىڭ وكىلدەرى, پسيحولوگتار, قوعامدىق ۇيىمدار مەن بالا قۇقىقتارى جونىندەگى ۋاكىلدەر ەنگىزىلگەن.
كوميسسيالاردىڭ نەگىزگى مىندەتتەرى – بالالاردىڭ قۇقىقتارىن قورعاۋ جانە قالپىنا كەلتىرۋ, قۇقىق بۇزۋشىلىقتاردىڭ سەبەپ-سالدارىن انىقتاۋ, سونداي-اق قاراۋسىزدىقتىڭ, بۋللينگتىڭ, زورلىق-زومبىلىقتىڭ الدىن الۋ.
ChatGPT كامەلەتكە تولماعانداردى اۆتوماتتى تۇردە انىقتاي باستايدى
ەرەجەلەردە ماتەريالداردى قاراۋ ءتارتىبى, شەشىم قابىلداۋ مەرزىمدەرى, وتىرىسقا كامەلەتكە تولماعاندار مەن ولاردىڭ زاڭدى وكىلدەرىنىڭ قاتىسۋى, سونداي-اق قولدانىلاتىن شارالار ناقتى رەگلامەنتتەلگەن. سونىمەن بىرگە ومىرلىك قيىن جاعدايداعى بالالاردى ەرتە انىقتاۋ, ولاردى الەۋمەتتىك وڭالتۋ جانە قولداۋ تەتىكتەرىنە ەرەكشە نازار اۋدارىلعان. بۇل باعىتتا ۋاكىلەتتى ورگاندار مەن جاۋاپتى تۇلعالاردىڭ جەكە جاۋاپكەرشىلىگى كۇشەيتىلدى.
جاڭارتىلعان ەرەجەلەر كوميسسيالار جۇمىسىنىڭ جۇيەلىلىگى مەن اشىقتىعىن ارتتىرىپ, كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋدى كۇشەيتۋگە جانە ءاربىر بالانىڭ قۇقىعىن كەشەندى قورعاۋعا مۇمكىندىك بەرەدى.
