فوتو: ەرلان ومار
قىلمىستىق توپ قۇرامىندا شەنەۋنىكتەر مەن ۆەتەريناريا ماماندارى بولعان. ولار مال باسىن جالعان تىركەۋ جانە وڭدەۋ قۇجاتتارىن قولدان جاساۋ ارقىلى مەملەكەت بيۋدجەتىنە 3 ميلليارد تەڭگەدەن استام نۇقسان كەلتىرگەن.
سۋبسيديانى زاڭسىز راسىمدەگەن: تۇركىستان وبلىسىندا كووپەراتيۆ باسشىسى 4 جىلعا سوتتالدى
«قاسكويلەر ءىرى قارا مالدى ساتىپ الۋ جانە ونى قايتا وڭدەۋ تۋرالى قۇجاتتاردى جالعان راسىمدەۋ ارقىلى اگروونەركاسىپتىك كەشەندى دامىتۋعا ارنالعان مەملەكەتتىك باعدارلاما اياسىندا جۇيەلى تۇردە سۋبسيديا الىپ وتىرعان. تۇسكەن قاراجاتتار جالعان جەتكىزىلگەن مال ءۇشىن تولەنگەندەي كورسەتىلىپ, اقپاراتتىق جۇيەلەرگە ەنگىزىلگەننەن كەيىن قولما-قول اقشاعا اينالدىرىلىپ, كەيىن جالعان ءونىم ءۇشىن تولەم رەتىندە باقىلاۋداعى ۇيىمداردىڭ شوتتارىنا قايتا اۋدارىلعان. ىسكە زاڭدى ءتۇر بەرۋ ماقساتىندا جالعان بۋحگالتەرلىك قۇجاتتار راسىمدەلىپ, ولاردىڭ نەگىزىندە سۋبسيديا الۋعا قايتا وتىنىمدەر بەرىلىپ وتىرعان.ناتيجەسىندە مەملەكەتكە 3 ملرد تەڭگەدەن استام زالال كەلتىرىلدى», دەپ حابارلادى قارجىلىق مونيتورينگ اگەنتتىگى.
سوت شەشىمىمەن ۇيىمداستىرۋشى پارحومەنكو ا.گ. 14 جىلعا باس بوستاندىعىنان ايىرىلدى. قىلمىستىق توپتىڭ 14 قاتىسۋشىسىنا 6 جىلدان 10 جىلعا دەيىن باس بوستاندىعىنان ايىرۋ جازاسى تاعايىندالدى. سونداي-اق قىلمىستىق جولمەن تابىلعان 1,3 ملن دوللار, 700 ملن تەڭگە جانە وزگە دە م ۇلىكتەر تاركىلەندى.
الاياقتىق كەڭ تاراعان: پرەمەر-مينيستر سۋبسيديالاۋ ساياساتىن قايتا قاراۋدى تاپسىردى
ۇكىم ءالى زاڭدى كۇشىنە ەنگەن جوق.
