تازالىق شاراسىنا ءوڭىردىڭ بارلىق قالا-اۋدانىنان 380 ۇجىم قاتىسىپ, 5 مىڭعا جۋىق ەرىكتى, مەكەمە قىزمەتكەرى مەن جاستار بەلسەندىلىك تانىتتى. سەنبىلىك جۇمىسىنا 107 ارنايى تەحنيكا جۇمىلدىرىلدى. 1152 توننا قاتتى تۇرمىستىق قالدىق شىعارىلىپ, 140 گا اۋماق تازارتىلدى. قالدىقتاردى سۇرىپتاپ جيناۋعا ارنالعان 400-گە جۋىق ەكوبوكس ورناتىلدى.
ەكولوگيالىق مادەنيەتتى قالىپتاستىرۋ, قورشاعان ورتانى تازا ۇستاۋ, تابيعاتتى ايالاۋ – ءاربىر ازاماتتىڭ مىندەتى. ءوڭىردىڭ ەكولوگيالىق جاعدايىن جاقسارتۋعا تۇرعىنداردىڭ عانا ەمەس, كوپشىلىك جاستاردىڭ, وقۋشىلاردىڭ دا اتسالىسۋى قورشاعان ورتاعا دەگەن جاناشىرلىق پەن جاۋاپكەرشىلىكتىڭ ارتىپ كەلە جاتقانىن اڭعارتادى. سەنبىلىكتەر تازالىق, اباتتاندىرۋ ايلىعى كەزىندە اپتا سايىن ۇيىمداستىرىلادى.
ۇلىتاۋ وبلىسى
