بۇل كورمە – جاي عانا سۋرەتتەر جيىنتىعى ەمەس, قازاق كوشپەلى وركەنيەتىندەگى ايەل بەينەسىن زەرتتەۋگە ارنالعان كوركەمدىك جوبا. اۆتوردىڭ وبەكتيۆىنە ىلىنگەن دۇنيەلەردەن ۇلتتىق كيىمنىڭ, شەكسىز دالانىڭ, اتا-بابالار رۋحىنىڭ ءبىرتۇتاس ەستەتيكالىق كودقا اينالعانىن بايقاۋعا بولادى. ءاربىر پورترەتتى كورنەكى جىرعا اينالدىرىپ, قازاق ۇلتتىق كيىمدەرىنىڭ تەرەڭ سۇلۋلىعىن ايگىلەيدى.
ء«ار سۋرەتتى ادامداردىڭ بويىندا قازاق مادەنيەتىنە قاتىستى جارقىن ەستەلىك قالسا دەگەن تىلەكپەن تۇسىرەمىن. «كيىز ءۇي» دەگەن جوبا باستاپ, كەيىنگى ءتورت جىلدا ۇلتتىق سالت-ءداستۇرىمىزدى ايگىلەيتىن قانشاما جاندى فوتوسۋرەت دۇنيەگە اكەلدىم. تۇتىنۋشىلار اراسىندا وزگە ۇلتتىڭ ادامدارى بارشىلىق. ولار بۇل ارقىلى ۇلتتىق كيىمىمىزدىڭ ەستەتيكالىق ەرەكشەلىگىن تەرەڭىرەك ءتۇسىنىپ, ەلىمىزگە دەگەن سۇيىسپەنشىلىگىن ءبىلدىرىپ جاتادى. اشەكەيلەردى كوبىرەك قولدانامىن. سوناۋ اقش-تان, ەۋروپا ەلدەرىنەن كەلىپ, ارنايى ءتۇسىپ كەتكەندەر قانشاما», دەيدى ايگۇل تولەگەنوۆا.
اۆتور ەتنوستيلدى جاڭاشا پايىمداپ, قازاقتىڭ ۇلتتىق كيىمىن مۋزەي ەكسپوناتى رەتىندە عانا ەمەس, بۇگىنگى كۇننىڭ سانىنە ساي جاندى, وزەكتى مادەنيەت رەتىندە كورسەتەدى. بۇل – قازىرگى جاستاردى ءوز تامىرىنان اجىراماۋعا, ۇلتتىق جادىگەرلەردى ماقتان تۇتۋعا شاقىراتىن ەرەكشە ۇندەۋ. حالقىمىزدىڭ قوڭىر تىرشىلىگىنە جاقىن تۇستەردىڭ قانىقتىلىعى مەن بەينەلەردىڭ شىنايىلىعى قازاقى بولمىسقا جەتەلەيدى.
ايتا كەتەيىك, ايگۇلدىڭ فوتوسۋرەتتەرى ەلىمىزبەن قاتار, رەسەيدە, فرانتسياداعى كورمەلەردە ۇسىنىلعان.
پاۆلودار وبلىسى
