كەزدەسۋ بارىسىندا تاراپتار ساۋدا-ەكونوميكالىق, مادەني-گۋمانيتارلىق سالالارداعى ەكىجاقتى ىنتىماقتاستىقتى نىعايتۋدىڭ الەۋەتى مەن اعىمداعى جاعدايى تۋرالى تالقىلادى.
سونىمەن قاتار قازاقستان مەن گەرمانيا اراسىنداعى ديالوگتى نىعايتۋعا باعىتتالعان بىرلەسكەن كۇش-جىگەردى ۇيلەستىرۋ ماسەلەلەرى دە قاراستىرىلدى.
«ورتالىق ازيا – گەرمانيا» فورماتى جانە باسقا دا حالىقارالىق الاڭدار شەڭبەرىندە تىعىز ىقپالداستىقتى جالعاستىرۋعا دايىندىق قۇپتالدى.
گەرمانيا ديپلوماتى جىلى قابىلداۋ ءۇشىن العىسىن ءبىلدىرىپ, ەكى ەل اراسىنداعى ارىپتەستىكتى ودان ءارى نىعايتۋ ماقساتىندا بار كۇش-جىگەرىن سالۋعا دايىن ەكەنىن راستادى.
