ءورت عيماراتتىڭ شاتىرىنان شىققان.
«وقيعا ورنىنا تجد كۇشتەرى مەن قۇرالدارى جەدەل جەتتى. دەرەۋ ءورت ءسوندىرۋ وقپاندارى بەرىلىپ, ءورتتى تولىق ءسوندىرۋ ءۇشىن بارلىق قاجەتتى شارالار قابىلدانىپ جاتىر. سۋدىڭ ۇزدىكسىز بەرىلۋى قامتاماسىز ەتىلدى. قازىرگى ۋاقىتتا ادامداردى ەۆاكۋاتسيالاۋ جۇرگىزىلىپ جاتىر», دەپ مالىمدەدى مينيسترلىك.
ءورت سوندىرۋشىلەر جوعارى دەڭگەيلى شاقىرتۋ بويىنشا جۇمىس ىستەپ جاتىر, ءورتتىڭ ناقتى اۋماعى انىقتالىپ جاتىر. وقيعا ورنىندا جەدەل شتاب قۇرىلعان.
قازىرگى ۋاقىتتا زارداپ شەككەندەر تۋرالى اقپارات تۇسكەن جوق. اكىمدىك مالىمەتىنشە, وقيعا ورنىنا جەدەل مەديتسينالىق جاردەمنىڭ ەكى بريگاداسى تارتىلعان, الايدا ەشكىم مەديتسينالىق كومەككە جۇگىنبەگەن.
ساعات 21:22-دەگى جاعداي بويىنشا ءورت وقشاۋلاندى, الايدا ونى تولىق ءسوندىرۋ جۇمىستارى جالعاسىپ جاتىر.
