كومپانيا وكىلدەرىنىڭ, سونىڭ ىشىندە وڭىرلىك ۆيتسە-پرەزيدەنت ۆەدات تۇفەكچيدىڭ ساپارى ىنتىماقتاستىقتىڭ ارالىق قورىتىندىلارىن شىعارۋعا جانە ۇزاق مەرزىمدى پەرسپەكتيۆاعا ارنالعان ستراتەگيالىق جوسپارلاردى ايقىنداۋعا ارنالدى.
ديالوگ بارىسىندا تاراپتار بۇعان دەيىن ۆاشينگتوندا «C5+1» فورماتى اياسىندا قول قويىلعان مەموراندۋمنىڭ ىسكە اسىرىلۋ بارىسىن تالقىلادى. CyberShield بىرىڭعاي كيبەرقاۋىپسىزدىك ارحيتەكتۋراسىن قالىپتاستىرۋ ماسەلەسىنە ەرەكشە نازار اۋدارىلدى. جاسلان ماديەۆ قازاقستان ءۇشىن سەنىمدى تسيفرلىق ەگەمەندىكتى قۇرۋ جانە سىني ينفراقۇرىلىمدى قورعاۋدىڭ پرواكتيۆتى مودەلىنە كوشۋ ستراتەگيالىق باسىمدىقتار بولىپ تابىلاتىنىن اتاپ ءوتتى. وسىعان بايلانىستى, مينيسترلىك تاۋەكەلدەردى ناقتى ۋاقىت رەجيمىندە كورۋدى قامتاماسىز ەتەتىن جانە مەملەكەتتىك ءارى كورپوراتيۆتىك پروتسەستەرگە جاساندى ينتەللەكت تەحنولوگيالارىن قاۋىپسىز ەنگىزۋگە مۇمكىندىك بەرەتىن پلاتفورمالىق تاسىلدەردى قولدايدى.
ءبىلىم بەرۋ باستامالارىنا شولۋ جاساۋ كەزدەسۋدىڭ ماڭىزدى قورىتىندىسى بولدى. بۇگىنگى تاڭدا ىنتىماقتاستىق ءىس جۇزىندەگى ناتيجەلەرىن بەرۋدە: ەلىمىزدىڭ بەس جەتەكشى جوعارى وقۋ ورنىندا (قبتۋ, SDU, Coventry University Kazakhstan, De Montfort University Kazakhstan, اەجبۋ) ستۋدەنتتەردى وقىتۋ باستالدى, ال 7 ساۋىردە Astana IT University بازاسىندا كيبەرقاۋىپسىزدىك اكادەمياسىنىڭ رەسمي اشىلۋى ءوتتى. سونىمەن قاتار, مەملەكەتتىك جانە كۆازيمەملەكەتتىك سەكتوردىڭ 30-دان استام بەيىندى ينجەنەرى حالىقارالىق ستاندارتتار بويىنشا كاسىبي وقۋدان ءوتتى.
قازاقستاندا سۋ ۇنەمدەۋ تەحنولوگيالارىن ەنگىزۋ قارقىنى 5 ەسە ارتتى
سونداي-اق, تاراپتار مەملەكەتتىك ورگانداردا ىسكە اسىرىلىپ جاتقان اعىمداعى پيلوتتىق جوبالارعا توقتالدى. سوڭعى نۇكتەلەردى قورعاۋ (XDR), قاۋىپسىزدىك ورتالىقتارىن اۆتوماتتاندىرۋ جانە بۇلتتىق تەحنولوگيالار (SASE) بويىنشا زاماناۋي شەشىمدەردى تەستىلەۋ جاھاندىق تاجىريبەلەردى قازاقستاننىڭ ۇلتتىق قاجەتتىلىكتەرىنە قولدانۋ مۇمكىندىگىن وبەكتيۆتى باعالاۋعا مۇمكىندىك بەرەدى.
كەزدەسۋ سوڭىندا قاتىسۋشىلار الداعى بەس جىلعا ارنالعان بىرلەسكەن جوسپارىننىڭ قادامدارىن بەلگىلەدى. ول تەحنولوگيالىق الماسۋ مەن ۇلتتىق ساراپتامانى دامىتۋدى عانا ەمەس, سونىمەن قاتار نورماتيۆتىك-قۇقىقتىق بازا بويىنشا بىرلەسكەن جۇمىستى دا قامتيدى. اتاپ ايتقاندا, جي جانە بۇلتتىق شەشىمدەردىڭ قاۋىپسىزدىگىنە قويىلاتىن وزەكتى تالاپتاردى ازىرلەۋ جوسپارلانۋدا, بۇل وزگەرمەلى جاھاندىق سىن-قاتەرلەر جاعدايىندا ەلدىڭ تسيفرلىق ەكوجۇيەسىنىڭ تۇراقتىلىعىن قامتاماسىز ەتەدى.
