اسىرەسە سولتۇستىك جانە سولتۇستىك-باتىس ايماقتاردا جاڭبىر مەن قار ارالاس جاۋىن-شاشىن كۇتىلەدى. بۇل وڭىرلەردە ىلعال مولشەرى ايتارلىقتاي مول بولىپ, كۇن رايى سالقىنداي تۇسەدى. ال باتىس پەن وڭتۇستىكتە كەي ۋاقىتتاردا نوسەر جاڭبىر جاۋىپ, اۋا رايى كۇرت وزگەرۋى مۇمكىن.
رەسپۋبليكا بويىنشا جەلدىڭ كۇشەيۋى بولجانىپ وتىر. كەي وڭىرلەردە ەكپىندى جەلدىڭ جىلدامدىعى ارتىپ, باتىس جانە وڭتۇستىك ايماقتاردا بۇرشاق ارالاس نوسەر مەن داۋىل (شكۆال) قاۋپى ساقتالادى. مۇنداي قۇبىلىستار قىسقا ۋاقىت ىشىندە بولعانىمەن, تۇرعىندارعا قولايسىزدىق تۋدىرۋى ىقتيمال.
تەك ەلىمىزدىڭ شىعىس بولىگىندە جاۋىن-شاشىنسىز, سالىستىرمالى تۇردە تۇراقتى اۋا رايى ساقتالادى. دەگەنمەن, تۇنگى جانە تاڭعى ساعاتتاردا رەسپۋبليكا بويىنشا تۇمان ءتۇسىپ, كورىنۋ قاشىقتىعىنىڭ تومەندەۋىنە اكەلۋى مۇمكىن.
تەمپەراتۋرالىق فون دا ايتارلىقتاي وزگەرەدى. ەلدىڭ سولتۇستىگى مەن سولتۇستىك-باتىسىندا كۇندىزگى اۋا تەمپەراتۋراسى 3-15 گرادۋسقا دەيىن تومەندەپ, كوكتەمگى جىلىلىق ۋاقىتشا باسەڭدەيدى.
جالپى, سينوپتيكتەر تۇرعىندارعا اۋا رايىنىڭ كۇرت وزگەرۋىنە بايلانىستى ساق بولۋدى, اسىرەسە جولدا جۇرگەندە قاۋىپسىزدىك شارالارىن قاتاڭ ساقتاۋدى ەسكەرتەدى.
