فوتو: musavat.biz
ۆەدومستۆونىڭ حابارلاۋىنشا, مەملەكەت باسشىسىنىڭ قولى ەلدىڭ 250 جىلدىعىنا وراي شىعارىلاتىن بانكنوتتارعا قويىلادى.
اقش قارجى ءمينيسترى سكوتت بەسسەنت دونالد ترامپتىڭ «امەريكانىڭ التىن داۋىرىندەگى ەكونوميكالىق ورلەۋدىڭ ساۋلەتشىسى رەتىندەگى ۇلەسى داۋسىز» ەكەنىن اتاپ ءوتتى.
«ونىڭ قولتاڭباسىن ۇلتتىق ۆاليۋتاعا ورنالاستىرۋ – ورىندى ءارى تولىقتاي لايىق شەشىم», دەدى ول.
دونالد ترامپتىڭ رەزيدەنتسياسىنا جاسىرىن كىرمەك بولعان ادامعا وق اتىلدى
ءداستۇر بويىنشا, اقش قاعاز اقشالارىندا قارجى ءمينيسترى مەن قازىناشىنىڭ عانا قولتاڭباسى بولادى.
بۇل مالىمدەمە ەلدەگى ەكونوميكالىق احۋالعا قاتىستى سايلاۋشىلاردىڭ كوڭىلى تولماي وتىرعانىن كورسەتەتىن ساۋالنامالار ناتيجەسىمەن تۇسپا-تۇس كەلدى. اتاپ ايتقاندا, ينفلياتسيانىڭ ءوسۋى مەن ءومىر ءسۇرۋ قۇنىنىڭ قىمباتتاۋى حالىقتىڭ الاڭداۋشىلىعىن ارتتىرعان. سونىمەن قاتار يرانداعى شابۋىل باستالعالى بەرى مۇناي باعاسىنىڭ كوتەرىلۋى دە امەريكالىقتاردىڭ ءبىر بولىگىن الاڭداتىپ وتىر.
دونالد ترامپ: يرانعا قارسى سوعىستا اقش-قا ناتو ەلدەرىنىڭ كومەگى قاجەت ەمەس
ايتا كەتەيىك, پرەزيدەنتتىڭ بەينەسى بيىل اقش ۆاليۋتاسىندا تەك قولتاڭبا ارقىلى عانا كورىنىس تاپپايدى. ترامپ تاعايىنداعان مۇشەلەردەن قۇرالعان فەدەرالدىق كوميسسيا ەلدىڭ 250 جىلدىعىنا وراي 24 كاراتتىق التىننان جاسالعان ەستەلىك مونەتالاردىڭ ديزاينىن ماقۇلدادى. وندا دا پرەزيدەنتتىڭ بەينەسى بەينەلەنگەن. الايدا بۇل ديزاين ءالى قارجى مينيسترلىگىنىڭ رەسمي بەكىتۋىنەن ءوتۋى ءتيىس.
ەسكە سالا كەتەيىك, 2020 جىلى دونالد ترامپ COVID-19 پاندەمياسى كەزىندە امەريكالىقتارعا بەرىلگەن قارجىلىق كومەك چەكتەرىنە ءوز قولتاڭباسىن قويعان بولاتىن.
