پرەزيدەنتتىڭ ايتۋىنشا, عىلىمدا ناتيجەگە قول جەتكىزۋ ءۇشىن ادام كاپيتالىنا باسا ءمان بەرگەن ءجون.
ء«بىز وسكەلەڭ ۇرپاققا تاربيە بەرۋ مەن ازاماتتاردى قولداۋدى الەۋمەتتىك ادىلدىك, جاسامپاز وتانشىلدىق جانە ەڭبەكقورلىق تۇرعىسىنان قايتا قاراۋىمىز كەرەك. بۇل – پاتەرناليزم مودەلىنەن ادام مەن ونىڭ قابىلەتى باستى رەسۋرسقا اينالاتىن وركەنيەتتى ترانسفورماتسيالاۋ ۇلگىسىنە ءوتۋ دەگەن ءسوز. سوندىقتان جاڭا كونستيتۋتسيامىزدىڭ, ەڭ الدىمەن, ادامعا باعدارلانۋى تەگىن ەمەس», دەدى مەملەكەت باسشىسى.ءبىز جاڭا كونستيتۋتسيادا ادام كاپيتالىن, ءبىلىمدى, عىلىمدى, يننوۆاتسيانى دامىتۋدى مەملەكەت قىزمەتىنىڭ ستراتەگيالىق باعىتى رەتىندە بەكىتتىك. ەندى ءبارىمىز بۇل ماقساتتى مىندەتتى تۇردە ىسكە اسىرۋىمىز كەرەك. باسقا جول جوق. بۇل – وتە كۇردەلى مىندەت, ونى ءتۇسىنۋىمىز كەرەك. وسى ماقساتقا قول جەتكىزۋ ءۇشىن عىلىم قاۋىمداستىعى كاسىبي بىلىكتىلىك, ادالدىق جانە وتانشىلدىق قاسيەتتەرىن تانىتۋى قاجەت. مەن سىزدەرگە ءۇمىت ارتامىن», دەدى مەملەكەت باسشىسى.
مەملەكەت باسشىسى: عىلىمدى قارجىلاندىرۋ ىسىنە قاتاڭ ءتارتىپ كەرەك
مەملەكەت باسشىسىنىڭ ايتۋىنشا, ەلدىڭ شىنايى جاڭارۋى ساياسي ۇراننان ەمەس, قۇقىقتىق ىرگەتاسىمىزدى جاڭاشا قالىپتاستىرىپ, بەكىتۋدەن باستالادى.
ء«بىز ءبىر ەل, ءبىر جۇرت بولىپ وسى اسا ماڭىزدى جۇمىسقا كىرىستىك. جاڭا كونستيتۋتسيا ەلدىگىمىزدىڭ تىرەگى, ەگەمەندىگىمىزدىڭ تۇعىرى بولادى. ونىڭ ءار بابى, ءار تارماعى ەلدىگىمىزدى نىعايتا تۇسەدى. ءبىز ۇلى دالانىڭ مىڭداعان جىلدىق تاريحىنىڭ ساباقتاستىعىن ساقتاۋعا باسا نازار اۋداردىق. بابالارىمىز اۋەل باستان قۇقىقتىق مەملەكەت قۇرۋعا ەرەكشە ءمان بەرگەن. قاسىم حاننىڭ قاسقا جولى, ەسىم حاننىڭ ەسكى جولى, ءاز تاۋكەنىڭ جەتى جارعىسى – سونىڭ ايقىن دالەلى. قۋاتتى, كۇشتى, باسەكەگە قابىلەتتى قازاقستاننىڭ جاڭا جارعىسى – جاڭا تاريحي, گەوساياسي جاعدايداعى بىرەگەي قۇجات. ونىڭ تاريحىمىزداعى ورنى ەرەكشە. بۇل – ازاماتتارىمىزدىڭ ارمان-تىلەگىنەن, ماقسات-مۇراتىنان تۋعان قاستەرلى قۇجات, شىن مانىندەگى حالىق كونستيتۋتسياسى», دەدى قاسىم-جومارت توقاەۆ.
مەملەكەت باسشىسى پاتريوت دەگەنىمىز – ءوز جۇمىسىن كەز كەلگەن ورىندا, مەيلى, ۋنيۆەرسيتەت, مەكتەپ, اۋرۋحانا, كاسىپورىن نەمەسە مينيسترلىكتە بولسىن, ءوز قىزمەتىن ادال اتقاراتىن ادامدار ەكەنىن باسا ايتتى.
«اسكەري قىزمەت تۋرالى ايتپاساق تا بولادى. بۇل ارادا بارلىق ماماندىقتى ءتىزىپ شىعۋ مىندەت ەمەس شىعار. جۇمىستىڭ جامانى بولمايدى», دەدى ق.توقاەۆ.
