سادىر جاپاروۆ قاسىم-جومارت توقاەۆتى قازاقستانداعى جالپىحالىقتىق رەفەرەندۋمنىڭ تابىستى وتۋىمەن قۇتتىقتادى.
قىرعىزستان پرەزيدەنتىنىڭ پىكىرىنشە, جاڭا كونستيتۋتسيا بويىنشا داۋىس بەرۋ قورىتىندىسى قازاقستاندىقتاردىڭ قاسىم-جومارت توقاەۆ قولعا العان ساياسي جانە الەۋمەتتىك-ەكونوميكالىق جاڭعىرۋ جولىن تولىق قولدايتىنىن كورسەتەدى.
مەملەكەت باسشىسى جىلى لەبىزى جانە قىرعىزستاننان بايقاۋشىلار جىبەرگەنى ءۇشىن سادىر جاپاروۆقا ريزاشىلىعىن ءبىلدىردى. سونداي-اق كونستيتۋتسيالىق رەفورما مەملەكەتتىك باسقارۋدىڭ تيىمدىلىگى مەن حالىقتىڭ ءال-اۋقاتىن ارتتىرۋعا باعىتتالعانىن ايتتى.
بۇل ماسەلە بويىنشا ەشقانداي كۇمانىم جوق: پرەزيدەنت ەكزيت-پولل قورىتىندىسىمەن تانىستى
تاراپتار قازاق-قىرعىز سان قىرلى قارىم-قاتىناسىن ودان ءارى نىعايتۋ پەرسپەكتيۆاسىن تالقىلادى. ەكى ەل اراسىنداعى ستراتەگيالىق سەرىكتەستىك پەن وداقتاستىقتى جان-جاقتى تەرەڭدەتۋگە نيەتتى ەكەندەرىن راستادى.
پرەزيدەنتتەر وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى. سونىمەن قاتار الداعى كەزدەسۋلەردىڭ كەستەسىن پىسىقتادى.
مەملەكەت باسشىسى: 15 ناۋرىز – كونستيتۋتسيا كۇنى بولىپ بەلگىلەنەدى
