رەسۋرستاردى باسقارۋدىڭ تيىمدىلىگى 2025 جىلعى اۋكتسيونداردىڭ قورىتىندىسىمەن راستالادى. ولاردىڭ ناتيجەسى بويىنشا 1,2 ملرد تەڭگە قول قويۋ بونۋسى سوماسىنا جانە گەولوگيالىق بارلاۋعا باعىتتالعان 45,5 ملن اقش دوللارى كولەمىندەگى باستاپقى ينۆەستيتسياسىمەن 6 جەر قويناۋى ۋچاسكەسى ىسكە اسىرىلدى.
جەرگىلىكتى قامتۋدى ارتتىرۋعا ەرەكشە كوڭىل بولىنۋدە: 2025 جىلدىڭ قورىتىندىسى بويىنشا جەر قويناۋىن پايدالانۋشىلاردىڭ ساتىپ الۋلارىنداعى ءىشىنارا ەلدىك قۇندىلىق ۇلەسى 65%-عا دەيىن ءوستى, بۇل اقشالاي بالامادا 3 ترلن تەڭگەنى قۇرادى. سالىستىرمالى تۇردە ايتساق, 2024 جىلى بۇل كورسەتكىش 61,9% بولعان ەدى.
وقشاۋلاۋدى ودان ءارى دامىتۋدىڭ ايتارلىقتاي الەۋەتى 19 تاۋار توبى بويىنشا انىقتالدى, ولار ءىرى وپەراتورلاردىڭ ۇزاق مەرزىمدى قاجەتتىلىكتەرىنىڭ 80%-ىن قۇرايدى.
وسى ستراتەگيا اياسىندا 2022-2025 جىلدار ارالىعىندا حالىقارالىق ينۆەستورلارمەن 25 كەلىسىمگە قول قويىلدى. بۇل Honeywell, PetrolValves, WIKA جانە Schlumberger سياقتى برەندتەردىڭ ونىمدەرىن قوسا العاندا, جوعارى تەحنولوگيالىق جابدىقتاردىڭ 9 ءوندىرىسىن ءساتتى وقشاۋلاۋعا مۇمكىندىك بەردى.
كومىرسۋتەك جانە ۋران سالاسىندا جەر قويناۋىن پايدالانۋ تۋرالى زاڭعا تۇزەتۋلەر ەنگىزىلدى
سونداي-اق مۇناي-گاز سالاسىندا ەڭ كوپ سۇرانىسقا يە تۇپنۇسقا تاۋارلاردى شىعاراتىن كەلەسى الەمدىك وندىرۋشىلەرمەن بىرلەسىپ, جاڭا وندىرىستەردى وقشاۋلاۋ بويىنشا جۇمىستار جۇرگىزىلۋدە: Chemelex (اقش), John Crane (اقش), Hi Air Korea (كورەيا), Baker Hughes (اقش), KazWell Systems (قازاقستان/برازيليا), Terranova Srl (يتاليا), Swagelok (اقش), Slb (اقش), Siemens (گەرمانيا).
