كەزدەسۋ بارىسىندا سەنات دەپۋتاتى جاننا اسانوۆا جاڭا كونستيتۋتسيا جوباسىنداعى جاستارعا ارنالعان مۇمكىندىكتەرگە توقتالدى. ونىڭ ايتۋىنشا, قۇجاتتا ادامي كاپيتالعا باسىمدىق بەرىلىپ, جاستاردىڭ ءبىلىم الۋ, كاسىبي ءوسۋ جانە يدەيالارىن ىسكە اسىرۋ مۇمكىندىكتەرى كەڭەيتىلگەن. سونداي-اق جاستاردىڭ ساياسي قۇرىلىمدار مەن پارتيالىق قىزمەتكە جانە رەفەرەندۋمعا بەلسەندى قاتىسۋى ولاردىڭ قۇقىقتارى مەن جاۋاپكەرشىلىگىن ارتتىرادى. دەپۋتات جاستاردان ادالدىق, پاتريوتيزم جانە ءوزىن-ءوزى دامىتۋعا ۇمتىلۋ تالاپ ەتىلەتىنىن اتاپ ءوتتى, ال جاڭا يدەيالار مەن باستامالار كوبىنەسە جاستاردان تۋىندايتىنىن جەتكىزدى.
«جاستار» عىلىمي-زەرتتەۋ ورتالىعىنىڭ ديرەكتورى گ ۇلىسحان ناحباەۆا جاستاردى مەملەكەت پەن قوعام اراسىنداعى ستراتەگيالىق رەسۋرس دەپ اتادى. ول سوڭعى زەرتتەۋلەرگە سايكەس, جاستاردىڭ 86%-ى ءبىلىم سالاسىنان قاناعاتتانعانىن, وزدەرىنىڭ كاسىبي جانە قۇقىقتىق ساۋاتتىلىعىن ارتتىرۋعا ۇمتىلاتىنىن اتاپ ءوتتى. ناحباەۆا وتباسى قۇندىلىقتارىنىڭ, دەنساۋلىق پەن ءبىلىم تراەكتورياسىنىڭ جاستار ءۇشىن باستى ماڭىزدى باعىت ەكەنىن, سونداي-اق پرەزيدەنتتىك كادر رەزەرۆى, «سەرپىن» باعدارلاماسى, «تاۋەلسىزدىك ۇرپاقتارى» جانە «جاستار پراكتيكاسى» سياقتى 25 جوبا جاستاردىڭ الەۋەتىن دامىتۋعا باعىتتالعانىن ايتتى. ۆيرتۋالدى كەڭەسشى جوباسىن ىسكە اسىرۋ ارقىلى جاستاردىڭ يننوۆاتسيالىق ۇسىنىستارى مەن تالپىنىستارىنىڭ قولداۋ تاپقانى دا اتاپ ءوتىلدى.
جالعان اقپاراتتار تاراۋى مۇمكىن: مينيسترلىك رەفەرەندۋم قارساڭىندا ازاماتتارعا ۇندەۋ جاسادى
كەزدەسۋگە پارلامەنت دەپۋتاتتارى, جالپىۇلتتىق كواليتسيا وكىلدەرى, مينيسترلىكتەر مەن ۆەدومستۆولىق كوميتەتتەر باسشىلارى, ساراپشىلار, زاڭگەرلەر, قوعام قايراتكەرلەرى, جاستار ۇيىمدارى مەن رەسۋرستىق ورتالىقتار, ەرىكتىلەر جانە باق وكىلدەرى قاتىستى. ساراپشىلار جاستاردىڭ 15 ناۋرىزدا وتەتىن جالپىۇلتتىق رەفەرەندۋمعا قاتىسۋىنىڭ ماڭىزدىلىعىن, ولاردىڭ ەل ومىرىنە بەلسەندى ارالاسۋى مەن قۇقىقتىق ساۋاتىن ارتتىرۋ قاجەتتىگىن ەرەكشە اتاپ ءوتتى.
جاڭا كونستيتۋتسيا جوباسى جاستار ءۇشىن ادامي كاپيتالعا باسىمدىق بەرىپ, ءبىلىم, قابىلەت پەن تالانتتى دامىتۋعا جاعداي جاسايدى. ولاردىڭ ساياسي بەلسەندىلىگىنە قولداۋ كورسەتىلىپ, پارتيالىق جانە قۇرىلتاي قىزمەتىنە قاتىسۋ مۇمكىندىگى بەرىلەدى. قۇقىقتىق جانە تسيفرلىق ساۋاتتىلىقتى ارتتىرۋعا باعىتتالعان جوبالار مەن پلاتفورمالار جۇزەگە اسادى. جاستاردىڭ يدەيالارى مەن باستامالارىنا قولداۋ كورسەتۋ ارقىلى يننوۆاتسيالىق الەۋەتتى ىسكە اسىرۋعا مۇمكىندىك تۋادى.
ورتالىق رەفەرەندۋم كوميسسياسى ۇگىت جۇمىستارىنىڭ قاشان اياقتالاتىنىن مالىمدەدى
بۇل شارا جاستار مەن قوعام اراسىندا اشىق ديالوگ قالىپتاستىرۋعا, جاڭا كونستيتۋتسيا جوباسىن تۇسىندىرۋگە جانە ولاردىڭ ەلدىڭ دامۋىنا قوساتىن ۇلەسىن ارتتىرۋعا باعىتتالعان ماڭىزدى الاڭ بولدى.
رەفەرەندۋم كۇنى ءار ەكى ساعات سايىن داۋىس بەرۋ بارىسى تۋرالى اقپارات جاريالانادى
