مەملەكەت باسشىسى دۇنيەجۇزىلىك بانكتىڭ دەرەكتەرىن كەلتىرىپ, الەمدە تابىس دەڭگەيى تومەن جانە ورتاشا ەلدەردە تۇراتىن شامامەن 1,6 ميلليارد ادامنىڭ ءالى كۇنگە دەيىن الەۋمەتتىك قولداۋ شارالارىنا قول جەتكىزە الماي وتىرعانىن اتاپ ءوتتى. وسى تۇرعىدان العاندا, قازاقستاننىڭ الەۋمەتتىك قورعاۋ جۇيەسىن كەزەڭ-كەزەڭىمەن دامىتىپ, ونىڭ ازاماتتارعا قولجەتىمدى بولۋىن قامتاماسىز ەتۋگە ۇمتىلىپ وتىرعانى ەرەكشە ماڭىزدى.
پرەزيدەنت سونداي-اق كوپتەگەن ەلدەردە تسيفرلىق كەدەرگىلەر الەۋمەتتىك تەڭسىزدىكتى كۇشەيتىپ وتىرعانىن ايتتى. ال قازاقستاندا بارلىق الەۋمەتتىك جەلىلەر مەن زاڭدى ونلاين سەرۆيستەر ەشقانداي شەكتەۋسىز جۇمىس ىستەيدى. بۇل مەملەكەتتىك ساياساتتىڭ اشىقتىعىن جانە قوعامداعى پىكىر الۋاندىعىن ايقىن كورسەتەدى.
پرەزيدەنت: ءماسليحاتتار تولىق تسيفرلىق مەملەكەت قۇرۋ ماسەلەسىنە بەلسەندى اتسالىسۋى قاجەت
بۇگىندە ەلىمىز ەلەكتروندىق ۇكىمەت پەن قارجىلىق تەحنولوگيالاردى دامىتۋ بويىنشا الدىڭعى قاتارلى مەملەكەتتەردىڭ ءبىرى سانالادى. سونىمەن بىرگە بۇل باعىتتاعى جۇمىس الداعى ۋاقىتتا دا جالعاسادى. تسيفرلاندىرۋ مەن جاساندى ينتەللەكتىنى كەڭ اۋقىمدا ەنگىزۋ مەملەكەتتىك باسقارۋدىڭ تيىمدىلىگىن ارتتىرۋمەن جانە ەلدىڭ تۇراقتى دامۋىن قامتاماسىز ەتۋمەن تىكەلەي بايلانىستى ستراتەگيالىق مىندەت رەتىندە قاراستىرىلىپ وتىر.
كۇردەلى گەوساياسي جاعداي مەن ءتۇرلى سىن-قاتەرلەرگە قاراماستان, قازاقستان ەكونوميكاسىن نىعايتىپ, مەملەكەتتىك ينستيتۋتتاردى جاڭعىرتىپ, العا قاراي سەنىمدى تۇردە قادام باسىپ كەلەدى.
شاۆكات يسمايلوۆ,
قازاقستان حالقى اسسامبلەياسى
«قازاقستان قىرعىزدارى قاۋىمداستىعى» زاڭدى تۇلعالار بىرلەستىگىنىڭ توراعاسى
