فوتو: اقوردا
پرەزيدەنت اتاپ وتكەندەي, وزىق تەحنولوگيالار مەن جاساندى ينتەللەكتىنى مەملەكەتتىك باسقارۋ جۇيەسىنىڭ بارلىق سالاسىنا ەنگىزۋ ستراتەگيالىق ماڭىزى بار ماقساتقا اينالدى. ەلىمىزدىڭ جارقىن بولاشاعى وسى ماقساتتىڭ تابىستى ىسكە اسۋىنا تىكەلەي بايلانىستى. بۇل تۇرعىدان العاندا, ءماسليحاتتاردىڭ وسى جۇمىسقا بەلسەندى اتسالىسقانى ابزال.
مەملەكەت باسشىسى: بيىلدان باستاپ اۋىلدىق وكرۋگتەر قوسىمشا تابىس كوزىنە يە بولماق
«سونداي-اق دەپۋتاتتاردىڭ كاسىبي بىلىگىن ارتتىرىپ, تسيفرلىق قۇزىرەتىن كەڭەيتۋ وتە ماڭىزدى, ونسىز ىستەلگەن جۇمىستىڭ ءبارى بوس بولماق. بۇل شارۋامەن مەملەكەتتىك باسقارۋ اكادەمياسى بەلسەندى جانە ءتيىمدى تۇردە اينالىسۋعا ءتيىس. مەنىڭ بىلۋىمشە, تاياۋ ارادا ناتيجەلەر دە بەلگىلى بولماق», دەدى پرەزيدەنت.
قاسىم-جومارت توقاەۆتىڭ ايتۋىنشا, بۇگىنگە دەيىن 1200-گە جۋىق دەپۋتات ارنايى وقۋ كۋرسىنا شاقىرىلىپ, كاسىبي تۇرعىدان شىڭدالدى. ەندى بيىل باستالعان AI Governance 500 باعدارلاماسىنىڭ اياسىندا وبلىستىق ءماسليحاتتاردىڭ اپپارات باسشىلارىن وقىتۋ قاجەت.
توقاەۆ: وكىلدى ورگانداردى كۇشەيتۋ مەملەكەتتىك ساياساتتىڭ نەگىزگى باسىمدىعى بولىپ قالا بەرەدى
«جالپى, ەلىمىزدە جاسالىپ جاتقان تسيفرلىق وزگەرىستەر ورتالىق پەن ايماقتار اراسىنداعى الشاقتىقتى مەيلىنشە ازايتۋى قاجەت», دەدى مەملەكەت باسشىسى.
