ايماقتىق قارجىلىق باقىلاۋ جانە مونيتورينگ اگەنتتىگىنىڭ مالىمدەۋىنشە, قاراعاندى وبلىسى, تەمىرتاۋ قالاسىندا ساندىق اكتيۆتەردى زاڭسىز ءوندىرۋ دەرەگى بويىنشا ۇكىم شىعارىلدى.
سوتتالعان تولوۆوۆ ە. گ. 2021 جىلعى تامىزدان باستاپ قاجەتتى ليتسەنزياسىز جاسىرىن ماينينگ فەرماسىن ۇيىمداستىرعان. ول رەسەيدەن 156 بىرلىك ماينينگ جابدىعىن ساتىپ الىپ, ءوزىنىڭ وندىرىستىك بازاسىندا ورناتقان.
اقش ينۆەستورى قاراعاندىداعى ءىرى كەن ورىندارىن يگەرۋگە 1,1 ملرد دوللار قۇيماق
تولوۆوۆ جاسالعان ساندىق اكتيۆتەردى كريپتوبيرجاداعى اككاۋنتىندا جيناپ, كەيىن BinancePool جانە Litecoinpool.org ماينينگ پۋلدارى ارقىلى وتكىزگەن. ساۋدا P2P اۋدارىمدارى ارقىلى USDT كريپتوۆاليۋتاسىن تەڭگەگە ايىرباستاۋ جولىمەن جۇزەگە اسىرىلعان.
ول جالپى 11,2 BTC جانە 90,2 LTC ساندىق اكتيۆىن ءوندىرىپ, شامامەن 185 ملن تەڭگە تابىس تاپقان.
