ايدوس سارىم مەملەكەت باسشىسىنىڭ جاڭا كونستيتۋتسيا جوباسىن ازىرلەۋگە العاشقى كۇندەردەن باستاپ بەلسەندى قاتىسقانىن اتاپ ءوتتى.
«مەملەكەت باسشىسى پارلامەنتتىك رەفورما جونىندەگى جۇمىس توبىنىڭ قىزمەتىن العاشقى كۇندەردەن باستاپ وتە مۇقيات باقىلاپ وتىرعانى بارشاعا ايان. ول جۇمىس توبىنىڭ جەتەكشىسىن قابىلداپ, توپ مۇشەلەرىمەن كەزدەسىپ وتىردى, ءوز يدەيالارىن ايتىپ, باعىت-باعدار بەردى», دەدى ايدوس سارىم.
ءماجىلىس دەپۋتاتىنىڭ ايتۋىنشا, جاڭا اتا زاڭدى قابىلداۋ قاجەتتىگى ەل ازاماتتارىنان تۇسكەن ۇسىنىستاردىڭ وراسان زور كولەمىن تالداۋ ناتيجەسىندە ايقىن بولدى.
«حالىقتان مىڭداعان ۇسىنىس ءتۇسىپ, پروتسەسس كەڭ اۋقىمعا يە بولعان كەزدە, پرەزيدەنت جۇمىس توبىنىڭ مۇشەلەرىن تۋرا قۇرىلتاي قارساڭىندا جيناپ, الدا بولاتىن اۋقىمدى وزگەرىستەر تۋرالى مالىمدەدى. ول كونستيتۋتسيالىق سوت پەن باسقا دا مەملەكەتتىك ورگانداردىڭ اتىنا تۇسكەن ۇسىنىستاردىڭ فورماتى, مازمۇنى مەن كولەمى جاڭا كونستيتۋتسيانى قابىلداۋ قاجەتتىگىن ايقىن كورسەتەتىنىن ايتتى», دەدى ا. سارىم.
سونداي-اق, ايدوس سارىم پرەزيدەنتتىڭ قۇجاتتى ازىرلەۋ بارىسىندا ساراپشىلار قاۋىمداستىعىمەن بەلسەندى ءارى تىعىز جۇمىس ىستەگەنىنە ەرەكشە نازار اۋداردى.
«بۇعان وزدەرىڭىز دە كۋا بولدىڭىزدار. كونستيتۋتسيالىق كوميسسيانىڭ جۇمىسى بارىسىندا مەملەكەت باسشىسى ونىڭ جەتەكشىسىمەن بىرنەشە رەت كەزدەستى. ول كونستيتۋتسيالىق سوتتىڭ توراعاسىن جانە باسقا دا ۇيىمداردىڭ باسشىلارىن قابىلدادى. بۇل پرەزيدەنتتىڭ جۇمىسقا تىكەلەي ءوزى ارالاسىپ وتىرعانىن كورسەتەدى», دەدى ول.
تالعات قاليەۆ: جاڭا كونستيتۋتسيا مەملەكەتتىك ينستيتۋتتاردى نىعايتىپ, ەلدىڭ تۇراقتىلىعىن ارتتىرادى
ءسوز سوڭىندا دەپۋتات مەملەكەت باسشىسىنىڭ جاڭا كونستيتۋتسيانى ازىرلەۋدەگى ايرىقشا رولىنە توقتالىپ, ونى كونستيتۋتسيالىق رەفورمانىڭ باستى ارحيتەكتورى دەپ اتادى.
«سوندىقتان پرەزيدەنتىمىزدى جاڭا اتا زاڭنىڭ نەگىزگى اۆتورلارىنىڭ ءبىرى ءارى ارحيتەكتورى دەپ ايتۋعا بولادى. بۇل مىزعىماس اقيقات», دەپ تۇيىندەدى ءسوزىن ايدوس سارىم.
