فوتو: اقوردا
بۇگىندە «قازاقتەلەكوم» 1,75 ميلليوننان استام ءۇي شارۋاشىلىعىنا قىزمەت كورسەتەدى. كومپانيا ەل اۋماعىندا تالشىقتى-وپتيكالىق جەلىنى جۇيەلى تۇردە كەڭەيتىپ, تەلەكوممۋنيكاتسيا نارىعىنىڭ نەگىزگى سەگمەنتتەرىندە كوشباسشىلىق ورنىن ساقتاپ وتىر.
ەلدى مەكەندەردى بايلانىسپەن قامتۋ بويىنشا اۋقىمدى جۇمىس جالعاسىپ جاتىر. 2027 جىلدىڭ سوڭىنا دەيىن 1 ميلليوننان استام تۇرعىنى بار 3 مىڭنان اسا اۋىلدى ساپالى بايلانىس قىزمەتىمەن قامتاماسىز ەتۋ جوسپارلانعان.
مەملەكەت باسشىسىنا «كاسپي توبج» حالىقارالىق جوباسىنىڭ جۇزەگە اسىرىلۋى تۋرالى اقپارات بەرىلدى. اتالعان جوبا اقتاۋ – سۋمگايت باعىتىندا سۋاستى تالشىقتى-وپتيكالىق بايلانىس جەلىسىن سالۋدى كوزدەيدى. بۇل باستاما قازاقستاننىڭ ترانزيتتىك الەۋەتىن ارتتىرىپ, ەۋروپا مەن ازيا اراسىندا تسيفرلىق ءدالىز قالىپتاستىرماق.
مەملەكەت باسشىسى ەنەرگەتيكا ءمينيسترى ەرلان اقكەنجەنوۆتى قابىلدادى
كەزدەسۋ بارىسىندا دەرەكتەردى وڭدەۋ ينفراقۇرىلىمىن دامىتۋ ماسەلەسىنە ەرەكشە نازار اۋدارىلدى. ەكىباستۇز قالاسىندا «دەرەكتەردى وڭدەۋ ورتالىعى القابى» ستراتەگيالىق جوباسى اياسىندا قۋاتى كەزەڭ-كەزەڭىمەن ۇلعايتىلاتىن زاماناۋي ورتالىق قۇرىلۋدا. بۇل جوبا حالىقارالىق تەحنولوگيالىق كومپانيالاردى تارتۋعا جانە ەلدىڭ ينۆەستيتسيالىق تارتىمدىلىعىن ارتتىرۋعا جول اشادى.
باعدات ءمۋسيننىڭ ايتۋىنشا, جاساندى ينتەللەكت تەحنولوگيالارىن ەنگىزۋگە باسىمدىق بەرىلەدى. كورپوراتيۆتىك پروتسەستەردى اۆتوماتتاندىرۋعا ارنالعان جي-اگەنتتەردى ازىرلەۋ, كيبەرقاۋىپسىزدىك شەشىمدەرىن جەتىلدىرۋ جانە مەملەكەتتىك سەكتوردى تسيفرلاندىرۋ بويىنشا بىرقاتار جوبا قولعا الىندى.
قاسىم-جومارت توقاەۆ شاعىن قالالار مەن اۋىلداردى ساپالى بايلانىسپەن جانە ينتەرنەتپەن قامتۋدىڭ ماڭىزىنا نازار اۋداردى. پرەزيدەنت تسيفرلاندىرۋ مەن جاساندى ينتەللەكتىنى دامىتۋ سالالارىندا ينۆەستيتسيالىق جوبالاردى ۋاقتىلى جۇزەگە اسىرۋدى تاپسىردى.
مەملەكەت باسشىسى ازيا دامۋ بانكى پرەزيدەنتى ماساتو كاندانى قابىلدادى
