فوتو: قر تجم
توتەنشە جاعدايلار مينيسترلىگىنىڭ حابارلاۋىنشا, وبلىستىق ءورت ءسوندىرۋ قىزمەتكەرلەرى ءورتتى ءسوندىرىپ جاتىر.
حابارلاما تۇسكەن ساتتەن باستاپ التى مينۋت ىشىندە كۇشتەر مەن قۇرالدار وقيعا ورنىنا جەتتى.
«العاشقى بولىمشەلەر وقيعا ورنىنا جەتكەن ساتتە عيمارات اشىق جالىنمەن جانىپ جاتتى. ءورت ءورشىپ, شاتىر ءىشىنارا قۇلاعان. اكىمشىلىك وكىلدەرىنىڭ ايتۋىنشا, ادامدار وزدىگىنەن ەۆاكۋاتسيالانعان. ءورت ءسوندىرۋ جوعارى ءورت جۇكتەمەسى مەن قاتتى تۇتىنمەن كۇردەلەنىپ جاتىر», دەلىنگەن حابارلامادا.
ءورتتى ءسوندىرۋ ءۇشىن پەريمەتر بويىنشا سۋ شاشىراتقىشتار, سونىمەن قاتار بيىك تەحنيكا ارقىلى سۋ جەتكىزۋ جۇمىستارى جۇرگىزىلىپ جاتىر.
سۋدىڭ ۇزدىكسىز بەرىلۋى قامتاماسىز ەتىلدى. ورتكە قارسى قىزمەتى جوعارى رانگ بويىنشا جۇمىس ىستەپ جاتىر. زارداپ شەككەندەر تۋرالى اقپارات جوق. قازىرگى ۋاقىتتا ءورتتى ءسوندىرۋ جالعاسىپ جاتىر.
