پرەزيدەنتكە مۇناي سالاسىندا ورنىقتى ديناميكا ساقتالىپ تۇرعانى ايتىلدى. سونداي-اق مەملەكەت باسشىسىنا مۇناي وڭدەۋدى ۇلعايتۋ جوسپارى باياندالدى. سول ارقىلى شىمكەنت مۇناي وڭدەۋ زاۋىتى جىلىنا – 6-دان 12 ميلليون تونناعا, اتىراۋ مۇناي وڭدەۋ زاۋىتى – 5,5-تەن 6,7 ميلليون تونناعا جانە پاۆلودار مۇناي-حيميا زاۋىتى 5,5-تەن 9 ميلليون تونناعا دەيىن وندىرىستىك قۋاتىن ارتتىرادى.
ەرلان اقكەنجەنوۆ 2029 جىلعا دەيىن سالىناتىن جاڭا ەنەرگەتيكالىق نىساندار جايىندا مالىمەت بەردى. بيىل الماتى قالاسىندا ەكىنشى جىلۋ ەلەكتر ورتالىعىنىڭ قۇرىلىسى اياقتالادى. سونىمەن قاتار قىزىلوردا مەن تۇركىستان وبلىستارىندا بۋ-گاز قوندىرعىلارى بازاسىندا ەلەكتر ستانتسياسى بوي كوتەرەدى. بۇدان بولەك, «كومىر ءوندىرۋدى دامىتۋ» ۇلتتىق جوباسىنىڭ ازىرلەنۋ بارىسى تۋرالى اقپارات ۇسىندى.
كەزدەسۋ سوڭىندا پرەزيدەنت وتىن-ەنەرگەتيكا سەكتورىن ودان ءارى دامىتۋ, سونىڭ ىشىندە مۇناي-گاز, مۇناي-گاز حيمياسى جانە ەلەكتر ەنەرگياسى سالالارىندا جوسپارلانعان جوبالاردى ۋاقتىلى ءارى ساپالى جۇزەگە اسىرۋ بويىنشا بىرقاتار تاپسىرما بەردى. مەملەكەت باسشىسى وندىرىستىك نىسانداردىڭ تيىمدىلىگىن ارتتىرۋ ءۇشىن تسيفرلىق شەشىمدەر مەن جاساندى ينتەللەكت تەحنولوگيالارىن بەلسەندى تۇردە ەنگىزۋ ماڭىزدى ەكەنىنە توقتالدى.
ايتا كەتەيىك, كەشە مەملەكەت باسشىسى ازيا دامۋ بانكى پرەزيدەنتى ماساتو كاندانى قابىلداعان ەدى.
