كەزدەسۋ بارىسىندا قاتىسۋشىلارعا كونستيتۋتسيالىق رەفورمانىڭ باستى جاڭاشىلدىقتارى, ونىڭ فيلوسوفياسى مەن ستراتەگيالىق باعدارلارى جان-جاقتى تانىستىرىلدى. اتاپ ايتقاندا, ادام قۇقىقتارى مەن بوستاندىقتارىنىڭ باسىمدىعىن ايقىنداۋعا, قۇقىقتىق مەملەكەت قاعيداتتارىن نىعايتۋعا, مەملەكەتتىڭ زايىرلى سيپاتىن كۇشەيتۋگە باعىتتالعان نورمالارعا ەرەكشە نازار اۋدارىلدى.
جاڭارتىلعان كونستيتۋتسيا جوباسى ادىلەت, مەملەكەتتىڭ ازاماتتار الدىنداعى جاۋاپكەرشىلىك, ەگەمەندىك, ەل اۋماعىنىڭ تۇتاستىعى جانە زاڭ ۇستەمدىگى سياقتى قۇندىلىقتاردى بەكىتەتىنى اتاپ ءوتىلدى. سونىمەن قاتار, ازاماتتاردىڭ تسيفرلىق كەڭىستىكتەگى قۇقىقتارىن قورعاۋعا, وتباسى ينستيتۋتىن جانە ءداستۇرلى قۇندىلىقتاردى نىعايتۋعا, قوعامدىق قاتىسۋ تەتىكتەرىن كەڭەيتۋگە قاتىستى جاڭا نورمالارعا باسىمدىق بەرىلدى.
رەفەرەندۋم كەزىندە شالعايدا جۇرگەن ازاماتتار قالاي داۋىس بەرەدى؟
كەزدەسۋ سوڭىندا قاتىسۋشىلار اتا زاڭداعى وزگەرىستەردى قولداپ, حالىق اراسىندا كەڭ كولەمدى ءتۇسىندىرۋ جۇمىستارىن جۇرگىزۋدىڭ ماڭىزىنا توقتالدى.
