شەبەرلىك ساباعىندا قوناق ۇستاز يسپان حورەوگرافيالىق مەكتەبىنىڭ وزىندىك ءستيلىن, مۋزىكالىق تابيعاتى مەن قوزعالىس پلاستيكاسىنىڭ ەرەكشەلىكتەرىن كەڭىنەن ءتۇسىندىردى. ءاربىر قيمىلدىڭ مىنەزى, قول مەن دەنە يىرىمدەرىنىڭ ناقىشى, ساحنالىق وبراز جاساۋدىڭ تاسىلدەرى تاجىريبە جۇزىندە كورسەتىلدى. ستۋدەنتتەر تەك قوزعالىستى قايتالاپ قانا قويماي, يسپان ءبيىنىڭ ىشكى ەموتسيالىق قۋاتىن سەزىنۋگە تىرىستى.
قويىلىمنىڭ مۋزىكالىق نەگىزى رەتىندە موريس راۆەل شىعارمالارى تاڭدالدى. اتاپ ايتقاندا, كومپوزيتوردىڭ ايگىلى «Boléro» تۋىندىسى مەن «El sombrero de tres picos» بالەتىندەگى «Las jotas» ءنومىرى قولدانىلدى. مۋزىكالىق ماتەريال ءارتۇرلى جاس ەرەكشەلىكتەرىنە ساي بەيىمدەلىپ, ءار توپتىڭ مۇمكىندىگىنە قاراي ساحنالىق كومپوزيتسيالار جاسالدى. سوعان قاراماستان, يسپان حورەوگرافيالىق مەكتەبىنىڭ تۇپنۇسقالىق سيپاتى, كوركەمدىك مانەرى مەن ساحنالىق قۋاتى تولىق ساقتالدى.
شەبەرلىك ساعاتى اكادەميانىڭ حالىقارالىق شىعارماشىلىق بايلانىستارىن نىعايتۋ جولىنداعى ماڭىزدى قادامداردىڭ ءبىرى بولدى. مۇنداي تاجىريبە ستۋدەنتتەردىڭ كاسىبي شەبەرلىگىن شىڭداپ قانا قويماي, ولاردىڭ كوركەمدىك كوكجيەگىن كەڭەيتۋگە, ۇلتتىق حورەوگرافيا سالاسىنداعى ءبىلىمىن تەرەڭدەتۋگە تىڭ سەرپىن بەردى. يسپان بي ونەرىنىڭ تەمپەرامەنتى مەن قازاق جاستارىنىڭ تالپىنىسى توعىسقان بۇل كەزدەسۋ شىعارماشىلىق ساباقتاستىقتىڭ جارقىن كورىنىسىنە اينالدى.
اۋەزوۆ تەاترىنىڭ ءجۇز جىلدىق تاريحىنان سىر شەرتەتىن قۇندى دەرەكتەر جاريالاندى
