فوتو: primeminister.kz
وندا پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ, «قازاقتەلەكوم» اق باسقارما توراعاسى باعدات مۋسين جوبانىڭ بيىلعى قاڭتار ايىندا پاۆلودار وبلىسى ەكىباستۇز قالاسىندا ىسكە قوسىلعاننان بەرگى اتقارىلعان جۇمىستار تۋرالى باياندادى.
ورتالىق ازياداعى ەنەرگەتيكالىق الەۋەتى 1 گۆت-قا دەيىن جەتەتىن ەڭ ءىرى كامپۋستى قۇرۋ جونىندەگى ء«دوو القابى» جوباسى بۇگىنگى تاڭدا قارقىندى تۇردە جۇزەگە اسىرىلىپ جاتىر. ۇكىمەت ءتيىستى ينفراقۇرىلىمدىق جانە قۇقىقتىق جاعدايلاردى جاساپ وتىر. اتاپ ايتقاندا, جالپى اۋدانى 1,4 مىڭ گەكتار جەر تەلىمى ءبولىندى. اۋقىمدى جوبانى جۇزەگە اسىرۋ ءۇشىن قوسالقى ستانسا ساتىپ الۋ, سونداي-اق ينۆەستورلار مەن جوباعا قاتىسۋشىلاردى مەملەكەتتىك قولداۋدىڭ قوسىمشا تەتىكتەرىن ازىرلەۋ بويىنشا جۇمىستار جۇرگىزىلىپ جاتىر.
قۇرىلاتىن ينفراقۇرىلىمنىڭ ماڭىزدى ەلەمەنتى حالىقارالىق سەرىكتەستەردى تارتۋعا ارنالعان Greenfield ايماعى بولماق. سونداي-اق ودان ءارى كەڭەيتە ءتۇسۋ مۇمكىندىگى بار 100 مۆت-عا دەيىنگى قۋاتتار دايىندالدى. ينفراقۇرىلىم ەنەرگيا تيىمدىلىگى كوەففيتسيەنتى PUE 1.25 بولاتىن Tier III حالىقارالىق ستاندارتىنا سايكەس كەلمەك.
ۇكىمەت پرەزيدەنت تاپسىرمالارىن جۇزەگە اسىرۋعا كىرىستى
«تەلەكوممۋنيكاتسيالىق ينفراقۇرىلىم سالاسىنداعى ەڭ ءىرى hyperscale جانە BigTech كومپانيالارىنىڭ تالاپتارىن قاناعاتتاندىرۋ ءۇشىن جەلىلىك كىدىرىس 80-نەن 57 ميلليسەكۋندقا دەيىن تومەندەتىلەدى, بۇل – نەگىزگى ەۋروپالىق ترافيك الماسۋ ورتالىقتارىمەن تەڭ دەڭگەي. بۇدان ءارى ەسەپتەۋ ينفراقۇرىلىمىن كەزەڭ-كەزەڭمەن ۇلعايتۋ, ارقايسىسى 50 مۆت-تان جي-ءدوو-نىڭ ءتورت كەزەڭىن سالۋ كوزدەلگەن. تۇتاستاي العاندا, ء«دوو القابىن» ىسكە قوسۋ قازاقستاندا تسيفرلىق ينفراقۇرىلىم مەن ەسەپتەۋ قۋاتتىلىعىنىڭ وڭىرلىك ورتالىعىن قالىپتاستىرۋعا, 30 ملرد دوللارعا دەيىن ينۆەستيتسيا تارتۋعا جانە 500-دەن استام جوعارى بىلىكتى جۇمىس ورىندارىن اشۋعا مۇمكىندىك بەرەدى», دەپ حابارلادى ۇكىمەتتىڭ ءباسپاسوز قىزمەتى.
جيىن قورىتىندىسى بويىنشا پرەمەر-مينيستر ولجاس بەكتەنوۆ سالالىق مينيسترلىكتەر مەن جاۋاپتى ۇيىمدارعا جۇمىستىڭ بارلىق كەزەڭدەرىن ۋاقتىلى جۇزەگە اسىرۋدى قامتاماسىز ەتۋدى جانە قاجەتتى نورماتيۆتىك شەشىمدەردى قابىلداۋدى جەدەلدەتۋدى تاپسىردى.
پرەزيدەنت قاسىم-جومارت توقاەۆتىڭ ۇكىمەتتىڭ كەڭەيتىلگەن وتىرىسىندا سويلەگەن ءسوزى
