ەل ازاماتتارىنا 1 قاڭتاردان باستاپ ءارىپ پەن تسيفردى ەركىن تاڭداۋعا رۇقسات بەرىلدى. بۇل قىزمەتتىڭ قۇنى 43 مىڭ تەڭگەدەن ءسال اسادى. كوپشىلىك بىردەي نەمەسە ايناداي قايتالاناتىن سانداردى, سونداي-اق ءوز اتى-ءجونىنىڭ باس ارىپتەرىنەن قۇرالعان كومبيناتسيالاردى تاڭداعان.
ءىشكى ىستەر مينيسترلىگىنىڭ مالىمەتىنشە, العاشقى ايدا 140 مىڭنان استام ءوتىنىم ءتۇسىپ, ولاردىڭ باسىم بولىگى ماقۇلدانعان.
وسىلايشا, مەملەكەتتىك بيۋدجەتكە شامامەن 6 ملرد تەڭگە تۇسكەن. قىزمەتكە دەگەن جوعارى سۇرانىس العاشقى كۇندەرى ارنايى حالىققا قىزمەت كورسەتۋ ورتالىقتارىندا ادام قاراسىن كوبەيتىپ, كەزەك تۋعىزدى. كەيىن بۇل ماسەلەنى شەشۋ ءۇشىن قىزمەت ءموبيلدى قوسىمشاعا ەنگىزىلىپ, راسىمدەۋ بارىسى ەداۋىر جەڭىلدەتىلدى.
مامانداردىڭ ايتۋىنشا, جاڭا تەتىك جۇرگىزۋشىلەرگە قولايلىلىق بەرىپ قانا قويماي, قازىنا كىرىسىن ارتتىرۋعا دا ىقپال ەتكەن.
ەندى كولىك نومىرىنە ءموبيلدى قوسىمشا ارقىلى تاپسىرىس بەرۋگە بولادى
