گرۋزيادا قازاقستان ازاماتتارىنا قانداي جۇمىس ىستەۋگە تىيىم سالىنادى؟

قاي سالالاردا جۇمىس ىستەۋگە تولىق تىيىم سالىنادى؟

جاڭا ەرەجەلەرگە سايكەس, شەتەلدىكتەرگە كۋرەرلىك جەتكىزۋ قىزمەتتەرى, جولاۋشىلار تاسىمالى, تاكسي قىزمەتى, تۋريستىك گيد قىزمەتى باعىتتارىندا جۇمىس ىستەۋگە تىيىم سالىنادى.

بۇل شەكتەۋ تەك جالدامالى جۇمىسقا عانا ەمەس, جەكە كاسىپكەرلىككە دە قاتىستى. ياعني شەتەل ازاماتتارى اتالعان سالالاردا بيزنەس تىركەي المايدى جانە ءوزىن-ءوزى جۇمىسپەن قامتىعان تۇلعا رەتىندە دە قىزمەت ەتە المايدى.

وسىلايشا, ميگرانتتار اراسىندا تاكسي, جەتكىزۋ قىزمەتى جانە تۋريزم سالاسى شەتەلدىكتەر ءۇشىن جابىلادى.

قىرعىزستان ميگرانتتاردىڭ قۇقىعىن بۇزعانى ءۇشىن رەسەيدى سوتقا بەردى

گيد-نۇسقاۋشىلارعا كۆوتا بەرىلەدى

تاۋلى ايماقتارداعى گيدتەر مەن شاڭعى نۇسقاۋشىلارىنا قاتىستى تولىق تىيىم سالىنبايدى, بىراق قاتاڭ كۆوتا ەنگىزىلەدى.

2026 جىلى بۇل سالادا بار بولعانى 200 شەتەلدىك مامان جۇمىس ىستەي الادى. ناتيجەسىندە رۇقسات الۋ ءۇشىن جوعارى باسەكەلەستىك بولادى, راستالعان بىلىكتىلىگى بار ماماندارعا باسىمدىق بەرىلۋى مۇمكىن جانە ماۋسىمدىق جۇمىس مۇمكىندىكتەرى ايتارلىقتاي قىسقارادى.

گرۋزيانىڭ تۋريستىك وڭىرلەرىندە جۇمىس ىستەيتىن وتانداستارىمىز ءۇشىن بۇل ەلەۋلى شەكتەۋ بولۋى ىقتيمال.

ەندى رەسەيدە جۇمىس ىستەۋ قيىندايدى: وتانداستارىمىز ءۇشىن جاڭا تالاپتار كۇشىنە ەنبەك

شەتەلدىكتەردى جۇمىسقا الۋ ءتارتىبى كۇردەلەنەدى

ۇكىمەت جالپى ەڭبەك كوشى-قونىنا باقىلاۋدى كۇشەيتەدى.

ەندى شەتەل ازاماتىن جۇمىسقا العىسى كەلەتىن جۇمىس بەرۋشى ءوتىنىش بەرەردەن كەمىندە 10 جۇمىس كۇنىنە دەيىن بوس جۇمىس ورنىن رەسمي worknet.moh.gov.ge پورتالىندا جاريالاۋى ءتيىس. بۇل ورىننىڭ شەتەلدىك ەڭبەك ميگرانتىنا ارنالعانىن كورسەتۋى قاجەت.

ءىس جۇزىندە بۇل ىشكى ەڭبەك نارىعىن الدىن الا تەكسەرۋ تەتىگى بولماق. ياعني باسىمدىق جەرگىلىكتى ازاماتتارعا بەرىلەدى.

قازاقستان ازاماتتارى ءۇشىن جۇمىسقا ورنالاسۋ مەرزىمى ۇزارادى, قۇجاتتاردى الدىن الا مۇقيات دايىنداۋ قاجەتتىلىگى تۋىندايدى, ەڭبەك رۇقساتىن الۋ بويىنشا باس تارتۋلار سانى ارتۋى مۇمكىن.

مىندەتتى ەڭبەك رۇقساتى ەنگىزىلەدى

1 ناۋرىزدان باستاپ بارلىق شەتەل ازاماتتارى ءۇشىن ارنايى ەڭبەك ەتۋگە رۇقسات الۋ مىندەتتى بولادى.

بۇل رۇقسات جۇمىس نەگىزىندە تۇرۋعا ىقتيارحات الۋدىڭ باستى شارتىنا اينالادى.

سونىڭ ناتيجەسىندە رەسمي رۇقساتسىز جۇمىس ىستەۋ مۇمكىن بولمايدى, كوشى-قون باقىلاۋى كۇشەيەدى, راسىمدەۋ بارىسىندا جۇمىس بەرۋشىنىڭ جاۋاپكەرشىلىگى ارتادى.

قازاقستاندا قۇمار ويىنىن ۇيىمداستىرعان كۇدىكتى گرۋزيادان ەكستراديتسيالاندى

ۇزاق مەرزىمگە گرۋزيادا جۇمىس ىستەۋدى جوسپارلاعان قازاقستان ازاماتتارى جاڭا تالاپتاردى تولىق ساقتاۋى ءتيىس.

گرۋزيا وتانداستارىمىز ءۇشىن IT-مامانداردىڭ رەلوكاتسياسى, شاعىن بيزنەس اشۋ, ماۋسىمدىق جۇمىس, تۋريزم سالاسى بويىنشا تانىمال ەلدەردىڭ ءبىرى ەدى. اسىرەسە تاكسي, جەتكىزۋ جانە گيد قىزمەتى سۇرانىسقا يە بولاتىن. ەندى بۇل سالالاردا شەكتەۋ ەنگىزىلىپ وتىر.

گرۋزيا بيلىگىنىڭ بۇل شەشىمى ىشكى ەڭبەك نارىعىن قورعاۋعا جانە جەرگىلىكتى ازاماتتارعا باسىمدىق بەرۋگە باعىتتالعان.