زەرتتەۋ قورىتىندىسىنا سايكەس, ەسەپتى كەزەڭدە كوپتەگەن سالادا دايىن ونىمگە دەگەن سۇرانىس ارتقان. ال 2026 جىلدىڭ I توقسانىندا كاسىپورىنداردىڭ باسىم بولىگى ءوز ونىمدەرىنە سۇرانىس ودان ءارى وسەدى دەپ كۇتەدى.
باعا ديناميكاسىنا كەلسەك, IV توقساندا دايىن ءونىمنىڭ, سونداي-اق شيكىزات پەن ماتەريالداردىڭ باعاسى بىرقاتار سالادا باسەڭدەگەن. 2026 جىلدىڭ العاشقى توقسانىندا دا سالالاردىڭ ەداۋىر بولىگىندە باعا ءوسىمىنىڭ باياۋلاۋى بولجانىپ وتىر.
سونىمەن قاتار, 2025 جىلعى IV توقساندا بىرنەشە سالادا ءوندىرىس كولەمىنىڭ ۇلعايعانى تىركەلگەن. الداعى توقساندا بارلىق دەرلىك سەكتور كاسىپورىندارى شىعارىلىم كولەمى ارتا تۇسەتىنىنە سەنىم ءبىلدىرىپ جاتىر.
ساراپشى: قازاقستان وزبەكستانعا قاراعاندا دايىن ءونىمدى كوبىرەك وندىرەدى
وندىرىستىك قۋاتتاردى پايدالانۋ دەڭگەيى كولىك جانە قويمالاۋ, وڭدەۋ ونەركاسىبى مەن قۇرىلىس سالالارىندا ارتقان. بۇل كورسەتكىشتىڭ ەڭ جوعارى دەڭگەيى تاۋ-كەن ءوندىرۋ ونەركاسىبىندە ساقتالىپ وتىر. ەسەپتى كەزەڭدە ەڭ تابىستى سالا رەتىندە دە تاۋ-كەن ءوندىرىسى اتالدى.
ايتا كەتەيىك, ساۋالناماعا تاۋ-كەن ءوندىرۋ جانە وڭدەۋ ونەركاسىبى, قۇرىلىس, ساۋدا, اۋىل شارۋاشىلىعى, كولىك جانە قويمالاۋ سالالارىنداعى جالپى سانى 2,7 مىڭنان استام كاسىپورىن قاتىسقان.
