ء«بىز «Qyzyljar» ارنايى ەكونوميكالىق ايماققا 2021 جىلدان باستاپ كىردىك. بۇگىنگە دەيىن فانەرالار شىعارىپ كەلدىك. اعاشتى تەرەڭ وڭدەۋدىڭ كلاستەرىن قۇردىق. ارنايى ەكونوميكالىق ايماقتىڭ اۋماعىنان 5 گەكتارداي جەر ساتىپ الدىق. قازىر اۋماعى 30 شارشى مەتردى الىپ جاتقان زاماناۋي زاۋىتىمىز جۇمىس ىستەپ تۇر. ونىڭ قۋاتى جىلىنا 50 مىڭ تەكشە مەترگە تەڭ فانەرا شىعارۋعا جەتەدى. ءونىمنىڭ ءتۇرى سان الۋان. ونىڭ ىشىندە قۇرىلىس, كولىك جانە جيھاز جاساۋعا قولدانىلاتىندارى بار», دەيدى كاسىپورىننىڭ اتقارۋشى ديرەكتورى ايۆاز باكيروۆ.
جوعارىدا ايتقانىمىزداي ەندى كاسىپورىن قالدىقتاردان اعاشقاپتار قۇراستىرۋدى قولعا الىپ وتىر. مۇندايدى دامىعان ەلدەر باياعىدان شىعارادى ەكەن. قالدىقتان قۇراستىرىلاتىن بولعاندىقتان تارا رەتىندە قولدانىلاتىن اعاشقاپتاردىڭ ءوزىندى قۇنى تومەن. اعاشقاپتار تەرميالىق وڭدەۋدەن وتكەندىكتەن ولاردان فيتوسانيتارلىق سەرتيفيكات تالاپ ەتىلمەيدى. ياعني, قوسىمشا شىعىنعا جول بەرىلمەيدى. سوندىقتان ەكسپورتەرلەر ءوز جۇكتەرىن مۇنداي قاپقا سالۋعا قۋانا كەلىسەدى.
اعاشقاپتىڭ تومەنگى بولىگى مىڭ تونناداي سالماقتى كوتەرە الادى, بۇل ونىڭ بەرىكتىگىن ايعاقتايدى.
ء«بىز قازاقستاندا ءبىرىنشى بولىپ وسىنداي وندىرىسپەن اينالىسۋدى قولعا الىپ وتىرمىز. «سولتۇستىك ااق» ءبىزدىڭ باستامامىزدى قولداپ, قارىزدى ەكى ايدىڭ ىشىندە راسىمدەپ بەردى. بۇل وتە جىلدام ۋاقىت دەپ سانايمىز. اقشانى اۋدارعان بويدا قىتايدان العاشقى جاراقتار كەلىپ, قازىر قۇراستىرۋ جۇمىستارى قىزۋ ءجۇرىپ جاتىر. جوسپارىمىز بويىنشا جىلىنا 1 ملن دانا اعاشقاپ ءوندىرۋدى بەلگىلەپ وتىرمىز. ونى قازاقستاننىڭ بارلىق ايماعىنا شىعارامىز. سونىمەن قاتار الىس-جاقىن شەتەلدەرگە دە شىعارۋ ويىمىزدا بار. وسى جاڭا ءوندىرىستىڭ ارقاسىندا كاسىپورنىمىزدا قوسىمشا 30 جاڭا جۇمىس ورنى اشىلادى», دەيدى ا.باكيروۆ.
ايتا كەتەتىن جايت, «سولتۇستىك ااق» اق بيىل وبلىس اۋماعىندا وسىمەن ءتورتىنشى يننوۆاتسيالىق جوبانى قارجىلاندىرىپ وتىر. وسىعان دەيىن ااق پەتروپاۆل قالاسىندا جىلىجاي تۇرعىزۋ مەن ساڭىراۋقۇلاق ەگەتىن فەرمانى قۇرۋدى قارجىلاندىرعان ەدى. بۇعان قوسا ايىرتاۋ اۋدانىندا قۇرعاق قىمىز وندىرەتىن زاۋىتتى قارجىلاندىرعان. سونىمەن بىرگە قىزىلجار اۋدانىندا جوڭىشقادان جەمازىق دايىندايتىن زاۋىتقا دا قارجى بولگەن.
سولتۇستىك قازاقستان وبلىسى
