كۇن تارتىبىندەگى نەگىزگى ماسەلە – جاڭا كونستيتۋتسيا بويىنشا الداعى رەفەرەندۋمنىڭ ماڭىزىن تالقىلاۋ بولدى. جيىندا رەفەرەندۋمنىڭ قوعام ءۇشىن ءمانى, ازاماتتاردىڭ قاتىسۋىنىڭ ءرولى جانە ونىڭ ەلدىڭ ودان ءارى تۇراقتى دامۋىنا ىقپالى جان-جاقتى سارالاندى.
كەڭەيتىلگەن وتىرىسقا «اۋىل» پارتياسى توراعاسىنىڭ ورىنباسارى عالىمجان قۇسمانعالي جانە ساياسي كەڭەس مۇشەلەرى قاتىستى.
كۇن تارتىبىنە سايكەس وتىرىس بارىسىندا ساياسي رەفورمانىڭ نەگىزگى باعىتتارى بويىنشا پىكىرتالاستار وتكىزىلدى, سپيكەرلەر ءوز ۇستانىمدارىن تانىستىردى.
«اۋىل» پارتياسى وڭىرلىك فيليالىنىڭ ساياسي كەڭەسى مۇشەسى تولەۋحان نۇرماعامبەتوۆ جاڭا كونستيتۋتسيا بويىنشا الداعى رەفەرەندۋم – قوعامنىڭ پىكىرىن ءبىلدىرۋدىڭ شەشۋشى كەزەڭى ەكەنىن اتاپ ءوتتى. ول ازاماتتاردىڭ بەلسەندى قاتىسۋى جانە ءوز وي-پىكىرىن اشىق ءبىلدىرۋ ماڭىزدى ەكەنىن ەرەكشە اتاپ ءوتتى.
ساياساتتانۋشى ەلامان ەلەمەس الداعى رەفەرەندۋم جاڭا كونستيتۋتسيانىڭ نەگىزگى پرينتسيپتەرىن بەكىتۋگە جانە قوعام مەن بيلىك اراسىنداعى سەنىمدى نىعايتۋعا باعىتتالعان ماڭىزدى ءىس-شارا ەكەنىن اتاپ ءوتتى.
رەفەرەندۋمنىڭ كۇنتىزبەلىك جوسپارى بەكىتىلدى: داۋىس بەرۋ 15 ناۋرىزدا وتەدى
بۇل كەزدەسۋ تەك پارتياىشىلىك تالقىلاۋ الاڭى عانا ەمەس, جاڭا كونستيتۋتسيا بويىنشا الداعى رەفەرەندۋمدى قولداۋ جانە ەلدىڭ تۇراقتى دامۋىنا باعىتتالعان ورتاق پىكىر قالىپتاستىرۋ الاڭى بولدى.
جاڭا كونستيتۋتسيا جوباسى بويىنشا رەفەرەندۋمدا قانشا ادام داۋىس بەرە الادى؟
