كولىك وتەتىن بەكەتتەردىڭ تيىمدىلىگى ارتادى

قازىر قازاقستان – قىتاي باعىتىنداعى اۆتوكولىكتەردىڭ جۇك اعىنى قارقىندى وسكەن. مىسالى, 2022 جىلى قحر-مەن شەكارادان 639,6 مىڭ كولىك وتسە, 2025 جىلى ونىڭ سانى 1,68 ملن-عا جەتكەن. وسىلايشا, ءۇش جىل ىشىندە كورسەتكىش 2,5 ەسەدەن اسىپ تۇسكەن. الداعى ۋاقىتتا ەكى ەل اراسىنداعى تاۋار اينالىمىن جىلىنا 100 ملرد دوللارعا جەتكىزۋ مىندەتى بارىن ەسكەرسەك, شەكارالىق ينفراقۇرىلىمعا جۇكتەمە ءالى دە وسەتىنىن بولجاۋعا بولادى. سوندىقتان قارجى مينيسترلىگى وتكىزۋ قابىلەتىن ارتتىراتىن شارالار كەشەنىن ۇسىنىپ وتىر. ونىڭ نەگىزگىسى –  وتكىزۋ بەكەتتەرىنىڭ جۇمىس ۋاقىتىن قىتاي تاراپىمەن ۇيلەستىرۋ.

ەكىجاقتى ۋاعدالاستىققا سايكەس بۇگىنگە دەيىن قازاقستان – قىتاي شەكاراسىنداعى وتكىزۋ بەكەتتەرى قىسقارتىلعان جۇمىس رەجىمىمەن: ساعات 8:00-دەن 12:00-گە دەيىن جانە 13:00-دەن 17:00-گە دەيىن جۇمىس ىستەپ كەلگەن. ەندى وسى جۇمىس رەجىمى ۇزارتىلىپ, قحر شەكاراسىنداعى بارلىق قازاقستاندىق اۆتوموبيل وتكىزۋ پۋنكتى ساعات 07:00-19:00-گە دەيىن 12 ساعاتتىق ۋاقىتقا اۋىستىرىلدى. ال ەڭ ءىرى وتكىزۋ بەكەتى – «نۇر جولى» قاناتقاقتى رەجىمدە تاۋلىك بويى جۇمىس ىستەۋگە كوشكەن.

بىراق وتاندىق بەكەتتەر­دىڭ جۇمىس رەجىمى 19:00-گە دەيىن ۇزار­عانىمەن, قىتاي تا­راپى جۇمىس­تى ساعات 16:00-دە اياق­تايدى. ۋا­قىت ايىر­ما­شى­لىعى دايىن ينفرا­قۇ­رى­لىم­دى پايدالانۋدى شەك­تەيدى. سون­دىقتان ەكى جاقتىڭ دا جۇمىس ۋاقىتىنا سايكەس كەلەتىن مەزەتتى تاڭداۋ ارقىلى وتكىزۋ قابىلەتىن كەمىندە 20%-عا ارتتىرۋ كوزدەلىپ وتىر.

بۇعان قوسا, وتكىزۋ بەكەت­تەرىنىڭ اۋماعىنان ىلەسپە وپەراتسيالاردى شىعارۋ مودەلى جۇزەگە اسىرىلماق. جۇك راسىم­دەۋ, بروكەرلىك سىندى قىزمەتتەر ەندى مەملەكەتتىك شەكارادان 1-10 شاقىرىم راديۋستا ور­نالاسقان ساۋدا-لوگيستيكالىق ورتالىقتار مەن ۋاقىتشا ساق­تاۋ قويمالارىنا كوشىرىلەدى. سوندا وتكىزۋ بەكەتتەرىنىڭ جۇ­مىسى جەڭىلدەپ, تەك كولىكتەردى باقىلاۋمەن اينالىسادى. بۇل اۆتوكولىك قۇرالىنىڭ شەكا­رالىق-كەدەندىك باقىلاۋ ايما­عىندا بولۋ ۋاقىتىن قىسقارتادى.

بۇل مودەل قازاقستان – قىتاي باعىتىنداعى «نۇر جولى», «الا­كول», «باقتى», «قال­­جات» وتكىزۋ بەكەتىندە, سون­داي-اق وزبەكستانمەن شەكا­راداعى «ب.قونىسباەۆا», «قا­زى­­عۇرت» جانە «اتامەكەن» بەكەت­تەرىندە تولىعىمەن ەن­گىزىلگەن. ەندى ەاەو سىرتقى شەكاراسىندا ورنالاسقان  باسقا دا اۆتوموبيل وتكىزۋ بەكەتتەرىنە دە كەزەڭ-كەزەڭىمەن ەنەدى.

قازىرگى ۋاقىتتا قحر شەكاراسىندا «نۇر جولى», «الا­كول» جانە «قالجات» وتكىزۋ پۋنكتى باعىتىندا ءۇش كولىكتىك-لوگيستيكالىق ورتالىق جۇمىس ىستەيدى. «نۇر جولى» ماڭىندا ءىرى اۆتوكولىككە ارنالعان ما­مانداندىرىلعان ۋاقىتشا ساقتاۋ قويماسى پايدالانۋعا بەرىلدى. «ب.قونىسباەۆا», «باق­تى», «قازىعۇرت» جانە «اتا­مەكەن» بەكەتى باعىتىندا جاڭا نىساندار (ۋسق جانە كلو) پايدا بولدى.

كەڭەس بارىسىندا سونداي-اق, قاشىقتاعى اۆتووتكىزۋ بە­كەتتەرىن تۇراقتى ەلەكتر ەنەرگياسى كوزىمەن, ينتەرنەت­پەن, وزگە دە قاجەتتى ينفرا­قۇرىلىم­مەن جابدىقتاۋ, وتكىزۋ قابىلە­تىن ودان ءارى ارتتىرۋ ماسەلەسى قا­رال­دى. باقتى – اياگوز تەمىر جو­لىنىڭ قۇرىلىسىنا قا­تىس­تى اباي وبلىسىنداعى جۇمىس­تى ۇيلەستىرۋ جايى دا تال­قى-
لاندى.

جيىن سوڭىندا قىتايلىق تاراپپەن وتكىزۋ بەكەتتەرىنىڭ جۇمىس ۋاقىتىن ۇزارتۋ مەن ۇيلەستىرۋ ماسەلەسى بويىنشا كەلىسسوزدى جالعاستىرىپ, شەكا­را ماڭىنداعى جول باعىتتا­رىن ينفراقۇرىلىمدىق جاڭعىر­تۋدى جەدەلدەتۋ تۋرالى شەشىم قابىلداندى.